Կոտայքի մարզի Կաթնաղբյուրի հիմնական նորակառույց դպրոց իր այցի ժամանակ վարչապետ Նիկոլ Փաշինյանն անդրադարձել է նաև ՀՀ պետական օրհներգի կատարման չափանիշներին։
«Վերջին օրերին հինգ, վեց դպրոցներում եմ եղել. մեր բոլոր միջոցառումները սկսվում են պետական օրհներգով և մենք Հայաստանի պետական օրհներգի վեց տարբեր վարկածներ ենք լսել՝ վեց տարբեր արագությամբ: Սա էլ է խնդիր, չի կարող պետական մի հիմնարկում հիմնը մի տեմպով հնչել, մյուս տեղում՝ այլ տեմպով կամ այլ տեքստով», – նշել է վարչապետը։
Փաշինյանը նաև հավելել է, որ ՀՀ պետական օրգներգը պետք է շատ հաճախ հնչի դպրոցներում։
