Այսօր հարձակման է ենթարկվել Լեհաստանում ՀՀ նախկին դեսպան Էդգար Ղազարյանը, որ տեղափոխվել է հիվանդանոց։
Ոստիկանությունից հայտնել են, որ ժամը 11։45-ին հիվանդանոցից հաղորդում է ստացվել, որ շտապ օգնության խումբը Եղբայրության փողոց 16/2 հասցեի մոտից մարմնական վնասվացքներով իրենց մոտ է տեղափոխվել Էդգար Ղ․-ն։
«Մեկնել է օպերատիվ խումբ։ Հանգամանքները պարզվում են։ Կազմված փաստաթղթերն ուղարկվել է նախաքննական մարմին»,-նշվում է ոստիկանության հայտարարության մեջ։
Դեպքի վերաբերյալ մանրամասներ է ներկայացրել նաև ԱԺ նախկին պատգամավոր Նաիրա Զոհրաբյանը։
«Նիկոլ Փաշինյանին ու նրա թիմի անդամներին, ինչպես նաև ընդդիմությանը քննադատող քաղաքական-հասարակական գործիչ Էդգար Ղազարյանը հարձակման է ենթարկվել։
Էդգար Ղազարյանը Էրեբունի կլինիկայում անցել է համալիր ստուգում։ Կյանքին սպառնացող վնասվածքներ չկան։ Գլխի հատվածում ունի վնասվածք եւ հիմա բժշկական կարեր են դրվում։
Բժիշկները վստահեցնում են, որ ամեն ինչ լավ է լինելու։
Ըստ նախնական տեղեկությունների՝ Էդգարի վրա իր տան շքամուտքում հարձակվել են երկու տղամարդ, որոնց Էդգարը չի ճանաչել»,-գրել է Նաիրա Զոհրաբյանը։
