Վարչապետ Նիկոլ Փաշինյանը ֆեյսբուքյան ուղիղ եթերի ժամանակ հատնեց, որ մարտի 1-ին, ժամը 18։30-ին հրավիրված հանրահավաքը ևս մեկ անգամ կհաստատի ժողովրդի իշխանությունը։
«Փորձ է արվում ինչ-որ լարումներ ստեղծել, խոսում են քաղաքացիական բախումների ու նոր մարտի 1-երի մասին։ Հայաստանում այլևս նոր մարտի 1-եր չեն լինելու և չեն լինելու նաև քաղաքացիական բախումներ և վաղվա հանրահավաքը պետք է ի ցույց դնի հենց այդ հաստատակամությունը»,-նշեց Փաշինյանը և հավելեց՝ նրանք Հայաստանում թշնամիներ չունեն, չեն ունեցել և չեն ունենալու․ «Բոլորը, անկախ քաղաքական հայացքներից և արտահայտած դիրքորոշումներից, մեր եղբայրները և քույրերն են»։
Վարչապետը նշեց, որ վաղը հանրահավաքի ժամանակ կանդրադառնա «Մարտի 1-ի գործով» դատավարության, ռազմական հեղաշրջման փորձին, դատական բարեփոխումներին և Հանրապետության նախագահի կայացրած «անհասկանալի» որոշմանը․ «Ես ի ցույց կդնեմ, որ այդ որոշումը բացարձակապես անհիմն է, այն որևէ օրինական հենք չունի»։
Ըստ նրա՝ ամիսներ առաջ ԲԴԽ նախագահի հայտարարությունը նույնքան անընդունելի է, որքան ԶՈւ ԳՇ պետի հայտարարությունը։
Մանրամասները՝ տեսանյութում։
