Վիվա ՄՏՍ-ից հայտնում են․ «Հարգելի բաժանորդներ,
Հարկ ենք համարում ևս մեկ անգամ տեղեկացնել, որ անհրաժեշտ է զերծ մնալ բջջային տարբեր հավելվածների միջոցով ու համացանցում տարածվող կեղծ հարցումներին ու մրցույթներին մասնակցելուց: Դրանք տարածվում են անհայտ անձանց կողմից՝ խարդախության նպատակով:
Մասնավորապես, այդ կեղծ հարցումներն ու մրցույթները նպատակ ունեն կորզել անձնական ու բանկային/քարտային տվյալներ կամ կոչ են անում բջջային հեռախոսահամարից զանգահարել միջազգային տարբեր ուղղություններով՝ բաժանորդներին պատճառելով նյութական վնաս:
Խնդրում ենք լինել զգոն և կասկածելի հայտարարություններ տեսնելու դեպքում չզանգահարել/տվյալներ չտրամադրել ու կապվել մեզ հետ 111 կարճ համարով կամ անձնական նամակով:
Շնորհակալություն»,-նշված է հայտարարության մեջ:
![](https://iravaban.net/wp-content/uploads/2021/01/139628911_3696023397125495_6893309753642943241_o.jpg)
![](https://iravaban.net/wp-content/uploads/2021/01/139900147_3696023393792162_6745374942402867894_o.jpg)