Էրեբունի և Նուբարաշեն վարչական շրջանների ընդհանուր իրավասության դատարանի վարույթում է գտնվում քրեական գործն ըստ Է. Սարդարյանի մեղադրանքի:
Էդգար Սարդարյանին մեղադրանք է առաջադրվել այն բանի համար, որ նա ուրիշի գույքը հափշտակելու նպատակով, չարաշահելով իր մանկության ընկերոջ` Հովհաննես Ագիշյանի վստահությունը, նրա անձնագրով և անվամբ ապառիկ կարգով համակարգիչ գնելով, տիրացել է նշված համակարգչին, կատարել է խարդախություն` ընկերոջը պատճառելով զգալի չափերի` 204000 դրամի գույքային վնաս:
Մեղադրյալի նկատմաբ խափանման միջոց է ընտրվել ստորագրություն չհեռանալու մասին:
Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Աղբյուրը` Իրավաբան.net