Լավ սովորող ուսանողը աշխատանքի խնդիր չի ունենալու. ներդրվում է ուսանողական աշխատանքի ինստիտուտը. Ռուբեն Հայրապետյան

Հայաստանի պետական տնտեսագիտական համալսարանում ներդրվում է նոր համակարգ, որի նպատակը բուհի ուսանողներին աշխատանքի ընդունելն է: Սա աշխարհում հայտնի «Ուսանողական աշխատանք»-ի (Student job) ինստիտուտն  է, որը Տնտեսագիտական համալսարանում իր կիրառությունն է ստանում:

ՀՊՏՀ ռեկտորի պաշտոնակատար Ռուբեն Հայրապետյանն այս գաղափարի ներդրմանմասին հայտարարել էր դեռևս փետրվարին՝ ուսանողների հետ առաջին ընդգրկուն հանդիպմանը: Եվ հիմա այս նպատակը կյանքի է կոչվում:

ՀՊՏՀ ռեկտորի պաշտոնակատար Ռուբեն Հայրապետյանի խոսքով՝ ՀՊՏՀ մուտք գործող յուրաքանչյուր ուսանող այսուհետ պետք է իմանա, որ բարձր առաջադիմություն ցուցաբերելու և ուսման տարիների ընթացում անհրաժեշտ գիտելիք ձեռք բերելու պարագայում ոչ միայն գնահատված է լինելու աշխատաշուկայի կողմից ընդհանրապես, այլև առաջին գործատուն, որը շահագրգռված է լինելու նրանց որպես աշխատակից ընդունելու, իրենց հարազատ բուհն է: «Սա շատ մեծ հնարավորություն է ուսանողների համար թե՛ երկարաժամկետ կարիերա կառուցելու համալսարանում, թե՛ կարճաժամկետ աշխատանքային փորձ ապահովելու համար, եթե նրանք ցանկանան հետագայում այլ ոլորտում իրենց աշխատանքային գործունեությունը շարունակել: Սրանով այդ ուսանողների համար լուծվում է նաև այն խնդիրը, որ գործատուներն աշխատանքի ընդունելիս պարտադիր աշխատանքային փորձ են պահանջում»,- լրատվության և հասարակայնության հետ կապերի բաժնին ասաց համալսարանի ղեկավարը՝ նշելով, որ առաջին փորձն արվել է:

2019-2020 ուսումնական տարվա ընդունելության գործընթացն իրականացնող ընդունող հանձնաժողովի դիմորդների հայտագրման աշխատանքային հանձնախմբում ՀՊՏՀ 6 ուսանողներ, ոչ լրիվ ծանրաբեռնվածությամբ, աշխատանքի են անցել:

Հետագայում, ռեկտորի խոսքով, այս գործընթացը կդառնա ավելի մասշտաբային, կտարածվի մյուս ստորաբաժանումների վրա այն իմաստով, որ լավագույն որակներ դրսևորող ուսանողները հնարավորություն կստանան իրենց աշխատանքային փորձը ձեռք բերել համալսարանի տարբեր ստորաբաժանումներում: Ընդ որում, խոսքը վերաբերում է թե՛ ոչ  լրիվ ծանրաբեռնվածությամբ, թե՛ հիմնական ծանրաբեռնվածությամբ աշխատանքի անցնելուն: Գործընթացը կհամակարգի աշխատաշուկայի և շրջանավարտների հետ աշխատանքի բաժինը:

«Մեր համալսարանի առաքելությունը ոչ միայն մեզ մոտ սովորող ուսանողներին գիտելիք, հմտություններ և կարողություններ փոխանցելն է, այլև նրանց աշխատանքով ապահովելը: Մի բան կարող եմ վստահաբար պնդել, որ չի լինելու մեր համալսարանում գեթ մեկ ուսանող կամ շրջանավարտ, որն իսկապես սովորում է, բայց ինչ-ինչ պատճառներով չի կարողանում աշխատանք գտնել, այսինքն՝ ՀՊՏՀ-ում բարձր  առաջադիմությամբ սովորելը լավ աշխատանք գտնելու ամուր երաշխիք է: Եվ այս պահից սկսած՝ մեր համալսարանը ներգրավվում է այն կազմակերպությունների շարքը, որոնք ակտիվորեն զբաղվելու են մեր ուսանողներին և շրջանավարտներին աշխատանքի ընդունելով»,- նշեց Ռուբեն Հայրապետյանը:

«Մենք որպես գործատուներ արդեն կարող ենք գնահատել մեր ուսանողների որակական հատկանիշները ոչ թե միայն որպես ուսանողներ, այլև՝ աշխատակիցներ:  Ուսանողներըպետք է ակտիվորեն մասնակցեն համալսարանի առօրյա կյանքին, նրա աշխատանքային ողջ գործընթացին ունենան զգալի մասնակցություն: Ուսանողների ներգրավվածությունը աշխատանքային պրոցեսներում ունենալու է շարունակական բնույթ: Սա կօգնի նաև ուսանողներին գնահատել սեփական ներուժը, հասկանալ իրական նախասիրությունները: Այնկդիտարկվի նաև որպես ուսանողների կարիերայի այլընտրանք»,- ասաց ՀՊՏՀ անձնակազմի կառավարման բաժնի պետ Գոհար Սարգսյանը՝ նշելով, որ այսպիսով այս ուսանողների տվյալները կամրագրվեն ՀՊՏՀ անձնակազմի ընդհանուր բազայում, և նրանք հետագայում կարող են դիտարկվել որպես հիմնական աշխատակիցներ:

ՀՊՏՀ Լրատվության և հասարակայնության հետ կապերի բաժին

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել