«Արցախի Հանրապետությունը ճանաչելու մասին» օրենքի նախագծի վերաբերյալ գլխադասային հանձնաժողովը դրական եզրակացություն չէ ներկայացրել:
Այս մասին այսօր ԱԺ-ում քառօրյա նիստը սկսելով ասաց ԱԺ նախագահ Գալուստ Սահակյանը:
Նա փոխանցեց, որ այս նախագիծը օրակարգում ընդգրկելու հարցը խորհրդարանը պետք է առանձին քնարկի:
ԱԺ-ն այսօր քվեարկության դրեց այս նախագիծը մեծ օրակարգ մտցնելու հարցին, Հանրապետական, Բարգավաճ Հայաստան, Հայ հեղափոխական դաշնակցություն խմբակցությունները հայտարարեցին, որ չեն մասնակցի քվեարկությանը: Որոշումը չընդունվեց, դրա օգտին քվեարկել էին 12 պատգամավորներ, դեմ և ձեռնպահ ձայներ չկային:
Հիշեցնենք, որ նախագիծը ներկայացրել էին պատգամավորներ Զարուհի Փոստանջյանը և Հրանտ Բագրատյանը:
