11:20 Ինքնաթիռից դուրս են եկել բոլոր ուղևորները, բացի 5 արտասահմանցիներից: Անձնակազմի անդամները նույնպես շարունակում են գերի մնալ. այս մասին հայտնել է EgyptAir ավիաընկերությունն իր թվիթերյան էջում:
11:10 Եգիպտոսի ավիացիայի նախարարությունը հայտնել է, որ EgyptAir ավիաընկերության օդանավը առևանգողները կապի մեջ են մտել իշխանությունների հետ և համաձայնել են ինքնաթիռից դուրս թողնել կանանց և երեխաներին: Այս պահին նրանք առանց ցայտնոտի լքում են ինքնաթիռը, որը վայրէջք է կատարել Լառնակայում:
Նշվում է, որ արդեն իսկ 20 ուղևոր դուրս է եկել:
11:00 Համացանցում հայտնվել է առևանգված ինքնաթիռի առաջին լուսանկարը:
10:58 EgyptAir ավիաընկերության օդանավաը, որը Ալեքսանդրայից դեպի Կահիրե էր մեկնում, առևանգվել է և վայրէջք կատարել Կիպրոսի Լառնակա օդանավակայանում: Այս մասին հայտնում է aljazeera.com-ը՝ հղում անելով Եգիպտոսի պաշտոնյաներին:
Airbus A320 օդանավում տղամարդկանցից մեկը զինված է: The Guardian-ը ճգրտում է, որ օդանավում 62 հոգի կա, որից 55-ը ուղևորներ են, իսկ անձնակազմի թվի վերաբերյալ դեռևս տեղեկություն չկա:
Նշվում է նաև, որ օդանավի անձնակազմը կորցրել է հաղորդակցությունը թռիչքից 30 րոպե անց: Առևանգողներից մեկը, ենթադրվում է, որ պայթուցիկ գոտի է կրում: Ոստիկանությունը պահանջել է նրան դուրս գալ ինքնաթիռից:
