Պետության կողմից երաշխավորված անվճար բժշկական օգնության և սպասարկման մասին կառավարության N 318-Ն որոշումը սահմանում է այն այս իրավունքն ունեցող խմբերի ցանկ: Ըստ այդ անվճար կարող են բուժվել հետևյալ խմբի մարդիկ՝
- Աղքատության (ընտանեկան) նպաստի համակարգում ընդգրկված 38,00 և ավելի բարձր անապահովության միավոր ունեցող նպաստառուներ
- 1-ին խմբի հաշմանդամներ
- 2-րդ խմբի հաշմանդամներ
- 3-րդ խմբի հաշմանդամներ
- Հաշմանդամ երեխաներ (մինչև 18 տարեկան)
- Հայրենական մեծ պատերազմի մասնակիցներ և նրանց հավասարեցված անձինք
- Միածնող երեխաներ (մինչև 18 տարեկան)
- Առանց ծնողական խնամքի մնացած երեխաներ (մինչև 18 տարեկան) և առանց ծնողական խնամքի մնացած երեխաների թվին պատկանող անձինք (18-23 տարեկան)
- Բազմազավակ (մինչև 18 տարեկան 4 և ավելի անչափահաս երեխաներ ունեցող) ընտանիքների երեխաներ
- Հայաստանի Հանրապետության պաշտպանության ժամանակ, ինչպես նաև ծառայողական պարտականությունները կատարելիս զոհված (մահացած) զինծառայողների ընտանիքների անդամներ
- Չեռնոբիլի վթարի վերացման աշխատանքների մասնակիցներ
- Բռնադատվածներ
- Բժշկասոցիալական փորձաքննության իրավասու պետական մարմնի ուղեգրով լրացուցիչ բժշկական հետազոտության ենթարկվողներ
- Հաշմանդամներից բաղկացած ընտանիքների երեխաներ (մինչև 18 տարեկան) մինչև 7 տարեկան երեխաներ
- Նախազորակոչային և զորակոչային տարիքի անձինք (հիվանդանոցային և ամբուլատոր-պոլիկլինիկական բժշկական օգնություն, իսկ զորակոչային տարիքի անձանց` նաև հիվանդանոցային փորձաքննություն)
- Զինծառայողներ և նրանց ընտանիքների անդամներ
- Ձերբակալվածներ և ազատազրկման դատապարտվածներ
- Մանկատներում և ծերանոցներում խնամվողներ
- Մինչև 18 տարեկան` դիսպանսեր հսկողության տակ գտնվող երեխաներ
Կարդացեք նաև Առողջապահության նախարարության պարզաբանումներն այս մասով՝ այստեղ:
Իրավաբան.net
