Հաջողության պատմություններ

Տավուշի ՇՊԱԸ-ի օգնությամբ վերացան քաղաքացու սեփականության իրավունքի խախտման հիմքերը

ՇՊԱԸ-ի շահառու Շ. Ա.-ը հանդիսանում է Ուկրաինայի Հանրապետության քաղաքացի, որն էլ վերջին շուրջ 10 տարիների ընթացքում չի եղել Հայաստանում: 16.01.2011թ. Հայաստան վերադառնալուց հետո Շ. Ա.-ը պարզում է, որ իր քույր Ա. Ա.-ն, օգտվելով իր բացակայությունից, դիմել է Տավուշի մարզի ընդհանուր իրավասության դատարան` խնդրելով անվավեր ճանաչել Շ. Ա.-ին պատկանող բնակելի տան և տնամերձ հողամասի նկատմամբ սեփականության իրավունքի վկայականը: Տավուշի մարզի ընդհանուր իրավասության դատարանը 09.07.2007թ. վճռով բավարարել է հայցը, գործին մասնակից չդարձնելով Շ. Ա.-ին:

 

Կատարվեց հարկային պարտավորությունների վերահաշվարկ

30.03.2010թ. ՇՊԱԿ էր դիմել քաղաքացի Ներսես Գաբրիելյանը և հայտնել, որ ինքը, հանդիսանալով անհատ ձեռնարկատեր, 01.07.2002թ. ժամանակավորապես դադարեցրել է իր ձեռնարկատիրական գործունեությունը, իսկ 02.04.2007թ տեսչություն է հանձնել նաև պետական գրանցման վկայականը:
Տեսչությունը դիմել է դատարան` իրեն սնանկ ճանաչելու խնդրանքով, հիմք ընդունելով այն հանգամանքը, որ իր պարտավորությունները կազմում են 675.860 դրամ, որից 100.000 դրամը` տուգանք, իսկ մնացածը` որպես սոց. վճարների և դրա չվճարման համար սահմանված տույժ և տուգանք:

Տավուշի ՇՊԱԸ-ի աջակցությամբ կանխվեց քաղաքացուն հոգեբուժական հիվանդանոցում ապօրինի տեղավորելը

Տավուշի ՇՊԱԸ է դիմել քաղաքացի Անահիտ Բեկնազարյանը և հայտնել, որ իր եղբայրը իրեն հայրական տան սեփականությունից զրկելու նպատակով դիմել է N առողջապահական ընկերության հոգեբույժին և խնդրել իր քրոջ` Ա. Բեկնազարյանի անվամբ տալ ուղեգիր Երևանի Նորք հոգեբուժական կլինիկայում հետազոտվելու և բուժում ստանալու նպատակով: N առողջապահական ընկերության հոգեբույժ` Հ. Հ.-ն Հ. Բ.-ի հայտնած կեղծ տեղեկությունների հիման վրա, առանց Ա. Բեկնազարյանին տեսնելու և հետազոտելու, առանց որևէ հիմքի կեղծ ձևով լրացրել է ուղեգիրը` «ցնորազառանցական խանգարո՞ւմ» նախնական ախտորոշմամբ, որով էլ քաղաքացուն ուղեգրել է Երևանի հոգեբուժական կլինիկա ախտորոշման ճշգրտման և բուժման նպատակով: Ուղեգիրը կնքվել և ստորագրվել է նույն ընկերության տնօրենի կողմից: Հոգեբույժի կողմից համապատասխան դեղատոմսով դուրս է գրվել “ամինազին” տեսակի դեղամիջոց, որը Հ. Բ.-ն գնել է դեղատնից, և որի ազդեցության ներքո Ա. Բեկնազարյանը պետք է տեղափոխվեր Երևանի Նորք հոգեբուժական կլինիկա:

3 տարի անց Հարությունյանի խախտված իրավունքների վերաբերյալ հարուցվեց քրեական գործ

Երևանի ՇՊԱԿ էր դիմել ընկերության տնօրեն Հարությունյանը, ում հանդեպ կատարվել էին բազմաթիվ իրավախախտումներ, այդ թվում՝ հանցագործություն: Մասնավորապես, կեղծվել էր վերջինիս ստորագրությունը հարկային հաշվետվությունների տակ, ինչի արդյունքում ընկերությանը և իրեն պատճառվել էր առանձնապես խոշոր նյութական վնաս՝ մոտ 170.000.000 դրամի չափով:
Հանցանքը կատարվել էր 2007-2008թ.թ. Հարությունյանը դիմել էր իրավապահ մարմիններին, դատական ատյաններին, սակայն պարբերաբար մերժվել էր քրեական գործի հարուցումը, իսկ մի շարք փաստաթղթեր, այդ թվում նաև փորձագետի եզրակացությունը, որտեղ նշված էր, որ Հարությունյանի ստորագրությունը իրոք կեղծված է, մի քանի ամիս համառորեն չէին տրամադրվում Հարությունյանին: