Խորին ափսոսանքով և վշտով տեղեկացնում ենք, որ մահացել է Պետրոս Սուրենի Սեմերջյանը: Այս մասին հայտնում է «Սիգմա Մեդ»-ը։
«Կոչումով բժիշկն իր առաջադեմ հայացքներով նոր որակ ու շունչ էր հաղորդել Հայաստանում թմրաբանական ծառայությանը։ Նրա կատարած աշխատանքի պտուղները դեռ երկար կքաղեն թե՛ թմրաբանության ոլորտի մասնագետները, և թե՛ շահառուները։
Իր օգտակար խորհուրդներով մշտապես մեր կողքին է եղել և սատար կանգնել։
Պետրոս Սեմերջյանի անուն-ազգանունը երախտագիտությամբ են հիշում բոլոր նրանք, ովքեր հնարավորություն են ունեցել յուրացնելու նրա փոխանցած գիտելիքները, դառնալու պիտանի մասնագետներ:
Ցավակցություն ենք հայտնում մեծանուն բժշկի հարազատներին, գործընկերներին և մերձավորներին «Սիգմա-Մեդ» ՍՊ ընկերության ողջ անձնակազմի անունից։
Հոգեհանգիստը տեղի կունենա 16․07․2022թ․, Երևանի Կենտրոնական (Թոխմախի) գերեզմանատան գլխավոր մուտքից Էրեբունու պուրակ տանող ճանապարհին, Նուբարաշենի խճուղի 46 հասցեում գտնվող սգո սրահում, ժամը 18։00-20։00-ը։
Հուղարկավորությունը՝ տեղի կունենա 17․07․2022թ, նույն վայրից՝ ժամը 14։00-ին»,-նշվում է հայտարարության մեջ։
