Կառավարությունն իր այսօրվա նիստում որոշեց Լալա Բեգոյանին նշանակել Քննչական կոմիտեի կարգապահական հանձնաժողովի անդամ:
«Ղեկավարվելով «Հայաստանի Հանրապետության քննչական կոմիտեի մասին» օրենքի 15-րդ հոդվածի 2-րդ մասով՝ Հայաստանի Հանրապետության կառավարությունը որոշում է.
Հայաստանի Հանրապետության քննչական կոմիտեի կարգապահական հանձնաժողովի անդամ նշանակել վարչապետի աշխատակազմի իրավաբանական վարչության ավագ իրավաբան Լալա Բեգոյանին»,-նշվում է որոշման մեջ:
Նշենք, որ Բեգոյանը նախկինում զբաղեցրել է արդարադատության նախարարի տեղակալի օգնականի պաշտոնը։
