Նույնականացման քարտերը գործող օրենսդրության համաձայն պետք է պարունակեն հետևյալ տվյալները.

1. ազգանունը, անունը, ինչպես նաև հայրանունը` միայն հայերեն տարբերակում,

2. ծննդյան վայրը, օրը, ամիսը, տարեթիվը,

3. սեռը,

4. քաղաքացիությունը,

5. ազգությունը` քաղաքացու կամ սույն օրենքով նախատեսված դեպքերում` ներկայացուցչի ցանկությամբ,

6. բնակության վայրը (նշվում է միայն երկիրը):

«Համապատասխան օրենսդրական նախաձեռնությամբ նախատեսվում է նշված տվյալներում ներառել նաև անձի էլեկտրոնային փոստը, որը միաժամանակ հանդիսանալու է նրա պաշտոնական էլեկտրոնայի փոստը » – նշում է փորձագետ Կարեն Հովհաննիսյանը:

Նշված փոփոխությունը հնարավորություն կտա նորմատիվ իրավական ակտերով նախատեսված դեպքերում անձի անհատական ծանուցումն ապահովել նաև էլեկտրոնային փոստի միջոցով: Անձը իր ցանկությամբ կարող է էլեկտրոնային փոստն ակտիվացնել մինչև 2015 թվականի հունվարի 1-ը, իսկ դրանից հետո չակտիվացված էլեկտրոնային փոստերը կակտիվանան ինքնաբերաբար:

Աղբյուրը` Իրավաբան.net