Կրթության, գիտության, մշակույթի և սպորտի նախարար Արայիկ Հարությունյանը փետրվարի 4-ին հրաման է ստորագրել, որով հաստատել է տարեցների հանրապետական խաղերի կանոնակարգը և մասնակցության հայտը:

«Տարեցների հանրապետական խաղեր» նպատակներն են`

1) տարեց բնակչության առողջության ամրապնդում,

2) առողջ ապրելակերպի ձևավորման գործում ֆիզիկական կուլտուրայի և սպորտի դերի բարձրացում, տեղերում բնակչության ակտիվ հանգստի կազմակերպում:

Խաղերը անցկացվելու է երեք փուլով` համայնքային, մարզային և  հանրապետական:

1) 1-ին փուլի անցկացման պատասխանատվությունը կրում են քաղաքային և գյուղական համայնքները:

2) 2-րդ փուլի կազմակերպման և անցկացման անմիջական պատասխանատվությունը կրում են ՀՀ մարզպետարանների, Երևանի քաղաքապետարանի, Արցախի Հանրապետության կրթության, գիտության և սպորտի նախարարության համապատասխան վարչությունները և բաժինները:

4. 2-րդ և 3-րդ փուլերի նախապատրաստման և անցկացման աշխատանքները համակարգում է ՀՀ կրթության, գիտության, մշակույթի և սպորտի նախարարությունը:

Եզրափակիչ փուլի անցկացման անմիջական պատասխանատվությունը կրում է Նախարարության կողմից հաստատված մրցավարական հանձնաժողովը:

Խաղերին կարող են մասնակցել 63 տարեկանից բարձր տարիքի տարեց թոշակառու մարդիկ, որոնք ունեն բժշկի թույլտվություն:

ՀՀ յուրաքանչյուր մարզից կարող են մասնակցել ընդամենը 10 մասնակից և 1 ներկայացուցիչ, 5 տղամարդ և 5 կին:

Խաղերն անցկացվելու է 5 մարզաձևերից` շախմատ, շաշկի, նարդի (կարճ), բասկետբոլի գնդակի նետում զամբյուղի մեջ և դարթս:

Յուրաքանչյուր մասնակից իրավունք ունի մասնակցելու միայն մեկ մարզաձևում: