Վարչապետ Նիկոլ Փաշինյանը հունվարի 9-ին որոշում է ստորագրել, որում ասվում է․
«Հիմք ընդունելով Հայաստանի Հանրապետության կառավարության 2011 թվականի ապրիլի 28-ի N 531-Ն որոշման N 1 հավելվածի 23-րդ կետը և Հայաստանի Հանրապետության կառավարության 2019 թվականի փետրվարի 28-ի N 170-Ն որոշումը՝
Վահրամ Մկրտչյանին ազատել Ջրային կոմիտեի «Ջրային տնտեսության ծրագրերի իրականացման գրասենյակ» պետական հիմնարկի տնօրենի պաշտոնակատարի պաշտոնից»։
Նշենք, որ հունվարի 10-ին ստորագրված որոշմամբ էլ պաշտոնից ազատվել է Ջրային կոմիտեի նախագահ Վարդան Մելքոնյանը։
