Ազգային Ժողովի պատգամավոր Գևորգ Պապոյանը ներկայացրել է վարչական իրավախախտումների վերաբերյալ օրենսգրքում լրացումներ և փոփոխություններ կատարելու մասին նախագիծը:
Նախատեսվում է, որ այսուհետ առանց զույգ հաշվառման համարանիշի, կեղծված կամ փոխարինված հաշվառման համարանիշով տրանսպորտային միջոցներ վարելը` կառաջացնի տուգանքի նշանակում` 200 հազար դրամի չափով:
Տրանսպորտային միջոցը կհամարվի զույգ համարանիշով, եթե համարանիշերն ամրացված են դրանց համար նախատեսված տեղում և ընթեռնելի են ինչպես շարժման ընթացքում, այնպես էլ կանգնած ժամանակ:
Տրանսպորտային միջոցը կհամարվի մեկ համարանիշով, եթե համարանիշերից մեկը ամրացված չէ դրա համար նախատեսված տեղում և ընթեռնելի չէ ինչպես շարժման ընթացքում, այնպես էլ կանգնած ժամանակ:
Ըստ նախագծի զույգ հաշվառման համարանիշեր ունեցող տրանսպորտային միջոցը մեկ հաշվառման համարանիշով վարելը կառաջացնի տուգանքի նշանակում` 50 հազար դրամի չափով:
