Հյուսիսային Կորեայի առաջնորդ Կիմ Չեն Ընը Ռուսաստան ժամանելուց հետո առաջին անգամ, բացառիկ հարցազրույց է տվել «Ռոսիա» հեռուստաալիքի լրագրող, հաղորդավար Պավել Զարուբինին: Այս մասին հայտնում է vesti.ru-ն։
Սա առաջին դեպքն է, երբ Կիմ Չեն Ընը հարցազրույց է տալիս օտարերկրյա լրագրողին:
«Ես Ռուսաստան եմ եկել մեր ժողովրդի ջերմ զգացումով: Լիահույս եմ, որ այս այցը հաջող և օգտակար կլինի, և որ հարգարժան նախագահ Պուտինի հետ բանակցությունների ընթացքում կկարողանամ քննարկել Կորեական թերակղզում իրավիճակի կարգավորման, ինչպես նաև մեր երկկողմ հարաբերությունների զարգացման վերաբերյալ կոնկրետ հարցեր»,-ասել է նա:
Նշվում է, որ հարցազրույցի ամբողջական տարբերակը ցուցադրվելու է ապրիլի 28-ին:
Հայտնի է, որ ապրիլի 25-ին Վլադիվոստոկում կկայանա ՌԴ նախագահ Վլադիմիր Պուտինի և նրա հյուսիսկորեացի գործընկերոջ հանդիպումը:
