Երևանի քաղաքապետ Հայկ Մարությանը ապրիլի 10-ին որոշում է ստորագրել, որում ասվում է.

«Ղեկավարվելով Հայաստանի Հանրապետության կառավարության 2004 թվականի մարտի 4-ի N.318-Ն որոշման N.2 հավելվածի 9-րդ և 9.1-րդ կետերով, հիմք ընդունելով ՀՀ առողջապահության նախարարի 2018 թվականի փետրվարի 21-ի N.457-Ա հրամանը՝

1. Երևանի ենթակայության

• «Սուրբ Աստվածամայր» ԲԿ,
• «Թիվ 19 պոլիկլինիկա»,
• «Գրիգոր Նարեկացի» ԲԿ,
• «Նոր Արաբկիր» ԱԿ,
• «Թիվ 8 պոլիկլինիկա»,
• «Թիվ 20 պոլիկլինիկա»,
• «Թիվ 17 պոլիկլինիկա»,
• «Թիվ 16 պոլիկլինիկա»,
• «Կառլեն Եսայանի անվան պոլիկլինիկա»,
• «Թիվ 12 պոլիկլինիկա»,
• «Թիվ 13 պոլիկլինիկա»,
• «Թիվ 22 պոլիկլինիկա»,
• «Նոր Արեշ պոլիկլինիկա»,
• «Թիվ 15 պոլիկլինիկա»,
• «Արշակունյաց պոլիկլինիկա»,
• «Արաբկիր մանկական պոլիկլինիկա»,
• «Թիվ 9 մանկական պոլիկլինիկա»,
• «Կարմիր Բլուր պոլիկլինիկա»,
• «Թիվ 4 պոլիկլինիկա»,
• «Նորագավիթ պոլիկլինիկա»,
• «Թիվ 5 պոլիկլինիկա»,
• «Սարի-Թաղ պոլիկլինիկա»,
• «Թիվ 1 պոլիկլինիկա»,
• «Նուբարաշեն պոլիկլինիկա» փակ բաժնետիրական ընկերություններում

բնակչության սոցիալապես անապահով և առանձին /հատուկ/ խմբերի ցանկում չընդգրկված անձանց պետության կողմից երաշխավորված անվճար արտոնյալ պայմաններով բժշկական օգնություն և սպասարկում տրամադրելու նպատակով, ըստ վարչական շրջանների, ձևավորել մշտական գործող ուղեգրող հանձնաժողովներ /այսուհետ՝ ուղեգրող հանձնաժողովներ/՝ համաձայն հավելվածի»:

Նույն որոշմամբ հաստատվել է նաև ուղեգրող հանձնաժողովների գործունեության աշխատակարգը՝ համաձայն հավելվածի:

Որոշմամբ նաև սահմանվել է, որ ուղեգրող հանձնաժողովները գործունեությունը կազմակերպում են ՀՀ առողջապահության նախարարի կողմից յուրաքանչյուր տարվա համար հատկացված քվոտաների քանակի և առավելագույն գումարի սահմաններում: