Կառավարության առաջին մասնաշենքում հրդեհ է բռնկվել: Այս մասին Իրավաբան.net-ին հայտնում են արտակարգ իրավիճակների նախարարության մամուլի ծառայությունից:
Դեպքի վայր է ժամանել 6 մարտական հաշվարկ, բերվել է նաև շարժասանդուղքը, քանի որ ահազանգի համաձայն՝ հրդեհը բռնկվել է 5-րդ հարկում:
Նախարարությունից նաև հայտնում են, որ ահազանգը ստացել են SOS հակահրդեհային համակարգի միջոցով:
Կառավարության մամուլի խոսնակ Վլադիմիր Կարապետյանը Իրավաբան.net-ին հայտնեց, որ վարչապետ Նիկոլ Փաշինյանը շենքում է եղել և այս պահին էլ այնտեղ է, սակայն հրդեհի օջախից հեռու:
Շուտով կտրվի լրացուցիչ տեղեկություն:
