Քաղաքացիները, կազմակերպությունները շատ հաճախ իրենց միջև հարաբերությունները կարգավորում են այս կամ այն պայմանագրերով:

Իսկ ե՞րբ է ուժի մեջ մտնում և սկսում գործել պայմանագիրը:

Այս հարցի պատասխանը կարելի է գտնել ՀՀ քաղաքացիական օրենսգրքի 441 հոդվածում:
Այսպես` պայմանագիրն ուժի մեջ է մտնում և կողմերի համար պարտադիր է դառնում կնքելու պահից:

Կողմերն իրավունք ունեն սահմանելու, որ իրենց կնքած պայմանագրի պայմանները կիրառվում են մինչև պայմանագիր կնքելն իրենց միջև ծագած հարաբերությունների նկատմամբ:

Օրենքով կամ պայմանագրով կարող է նախատեսվել, որ պայմանագրի գործողության ժամկետի ավարտով դադարում են կողմերի պարտավորությունները:

Պայմանագիրը, որում բացակայում է նման պայմանը, գործում է մինչև դրանով որոշված պարտավորության կատարման ավարտը:

Պայմանագրի գործողության ժամկետի ավարտը կողմերին չի ազատում մինչ այդ պայմանագիրը խախտելու համար պատասխանատվությունից:

Աղբյուրը` Իրավաբան.net