Հղիության արհեստական ընդհատումը չի կարող կատարվել ցանկացած ժամանակ և պայմաններում. օրենքով սահմանված են համապատասխան կանոններ, ժամկետներ, և անհրաժեշտ է հղի կնոջ առողջության վերաբերյալ բժշկական ցուցումների պահպանում:

Հղիության արհեստական ընդհատումը մինչև 12 շաբաթական հղիության ժամկետը կատարվում է կնոջ դիմումի համաձայն:

Հղիության արհեստական ընդհատումը մինչև 22 շաբաթական հղիության ժամկետը կարող է կատարվել բժշկական և սոցիալական ցուցումների դեպքում՝ կնոջ համաձայնությամբ:

Հղիության ընդհատման սոցիալական ցուցումներն են`

1. հղիության ընթացքում ամուսնու մահը

2. կնոջ կամ ամուսնու ազատազրկման վայրում գտնվելը

3. հղիության ժամանակ մայրական իրավունքից զրկվելը

4. ամուսնալուծությունը հղիության ժամանակ

5. հղիությունը բռնաբարությունից հետո:

Հղիության արհեստական ընդհատումն անչափահասի դիմումով կատարվում է նրա ծնողների կամ այլ օրինական ներկայացուցիչների համաձայնությամբ, իսկ դրա անհնարինության դեպքում՝ բժշկական հանձնաժողովի արձանագրության հիման վրա:

Հղիության արհեստական ընդհատումից առաջ և հետո առողջապահական հաստատությունը կնոջը տրամադրում է անվճար բժշկասոցիալական խորհրդատվություն՝ անցանկալի հղիությունից պաշտպանվելու միջոցների ընտրության վերաբերյալ:

Աղբյուրը` Իրավաբան.net