Երևանի ընդհանուր իրավասության դատարանի Շենգավիթի նստավայրում շարունակվում է «Սասնա ծռեր» զինված խմբավորման գործով մեղադրյալներ Պավել Մանուկյանի, Վարուժան Ավետիսյանի, Արայիկ Խանդոյանի, Մխիթար Ավետիսյանի, Գագիկ Եղիազարյանի, Արմեն Բիլյանի, Սմբատ Բարսեղյանի, Արեգ Կյուրեղյանի, Էդուարդ Գրիգորյանի, Սեդրակ Նազարյանի մասով դատական նիստը:
Դատական նիստն ընդմիջվեց, իսկ հետո դատավոր Մակյանը հայտնեց, որ հանրային պաշտպաններից Արմինե Ֆանյանն ու Լիանա Գասպարյանը ենթարկվել են վթարի, նրանք չեն տուժել:
«Հետադարձ էի կատարում՝ դատական նիստին գալու համար ու իմ դռան կողմից մեքենաս հարվածեցին: Մեզ ոչինչ չի պատահել, մեքենայի 2 դռներն են շատ վնասվել»,- Իրավաբան.net-ի հետ զրույցում հայտնեց Արմինե Ֆանյանը:
Եվգենյա Համբարձումյան
