Չեմ համաձայնի, որ «Մարտի 1»-ի գործով դատախազությունը անգործության է մատնվել: Այս մասին ասյօր՝ փետրվարի 9-ին, լրագրողների հետ հանդիպման ժամանակ հայտարարեց գլխավոր դատախազ Արթուր Դավթյանը:
Դատախազը նշեց, որ բազմաթիվ անձիք են հարցաքննվել, տասնյակներով փորձաքննություններ են նշանակվել, որոնք միտված են հանցագործությունը բացահայտելուն:
«Չի կարող նախաքննական մարմնի գործողությունները դիտարկել որպես անգործություն: Դուք կարծում եք, թե հանցագործությունների բացահայտման դեպքում մեր կարողությունները անսահմանափակ են, ես շատ ուրախ եմ դրա համար: Սակայն բազմաթիվ հանցագործություններ կան, որոնք իրենց բարդությամբ, բազմադրվագությամբ կարող են որոշակի ժամանակ պահանջել բացահայտման համար»,-նշեց Արթուր Դավթյանը:
Դատախազի խոսքով՝ դեռ կան 1000-ից ավելի հարցաքննման ենթական անձիք, բազմաթիվ փորձաքննությունների կատարման, իրավական գնահատականների խնդիրներ դեռ կան: «Գործի վարույթը կասեցված չէ: Գործի վարույթը կարճում գնալու որևէ միտում չունի: Այս քրեական գործով իրականացվում են բազմածավալ քննչական գործողություններ»:
Մանրամասները՝ տեսանյութում
Եվգենյա Համբարձումյան
