Այսօր՝ փետրվարի 4-ին, տեղի ունեցավ Աջ ղեկանիվով մեքենաների վարորդների նախաձեռնությամբ հավաք: Հավաքի ուղղված էր Աջ ղեկերի մասին վերջերս կառավարության կողմից հաստատված ծրագրի դեմ, որով կարգելվի աջ ղեկով մեքենաների հաշվառումը ՀՀ-ում:
Հավաքը տեղի ունեցավ Խաչիկ Դաշտենցի փողոցում, որից հետո սկսվեց ավտոերթը: Աջ ղեկանիվով
մեքենաների վարորդները շարժվեցին հետևյալ երթուղով. «Խաչիկ Դաշտենցի փողոց-Էրեբունու փողոց-Արցախի փողոց-Տիգրան Մեծի պողոտա-Հանրապետության հրապարակ-Ամիրյան փողոց-Մաշտոցի պողոտա-Բաղրամյան պողոտա-Օրբելի եղբայրների փողոց-Կիևյան փողոց-Ծիծեռնակաբերդի խճուղի-«Հրազդան» մարզադաշտի հարակից տարածք»։
«Մենք ի սկզբանե ասել ենք, որ վերագրանցման արգելքի մասին դրույթի վերացումը փոխզիջում չի համարվի, քանի որ այդ կետը հակասահմանադրական էր: Մեզ վստահեցրել են, որ պատրաստ են լսել մեր առաջարկներն ու քննարկել: Մենք համաձայնեցինք հանդիպել հունվարի 12-ին և ներկայացնել առաջարկները: Սակայն փոխարենը պայմանավորվածությունը խախտվեց և որոշում կայացվեց»,-Իրավաբան.net-ի հետ զրույցում նշեցին ակտիվիստները:
