ՀՀ կարող են մուտք գործել վավերական անձնագրի առկայության և ՀՀ կառավարությանն առընթեր ազգային անվտանգության ծառայության սահմանապահ զորքերի թույլտվության դեպքում: Այս մասին Իրավաբան.net-ի հետ զրույցում նշում է փաստաբան Մարիամ Զադոյանը:
Ինչպե՞ս մուտք գործել Հայաստանի Հանրապետություն:
ՀՀ մուտք գործելու համար անհրաժեշտ է հետևյալ փաստաթղթերից որևէ մեկը՝
- Մուտքի վիզա,
- ՀՀ-ում կացության կարգավիճակը հավաստող փաստաթուղթ:
Մինչև 18 տարեկան օտարերկրացիները կարող են մուտք գործել ՀՀ իրենց ծնողների, ծնողներից որևէ մեկի, այլ օրինական ներկայացուցչի կամ ուղեկցողի հետ միասին կամ միայնակ:
Նշված պահանջները չեն վերաբերում ՀՀ-ում ապաստան հայցելու նպատակով երկիր ժամանող անձանց:
Այս հարցը կարգավորվում է «Օտարերկրացիների մասին» օրենքի 6-րդ հոդվածով:
Որքա՞ն ժամանակով է տրվում ՀՀ մուտքի վիզան:
ՀՀ մուտքի վիզան տրվում է մեկանգամյա մուտքի համար՝ ՀՀ-ում մինչև 120 օր գտնվելու ժամկետով: Այն կարող է երկարաձգվել առավելագույնը մինչև 60 օր ժամկետով:
Ինչպե՞ս ձեռք բերել ՀՀ մուտքի վիզա:
Սիրիայի` ազգությամբ հայ քաղաքացիները կարող են ձեռք բերել ՀՀ մուտքի վիզա առանց հրավերի: ՀՀ պետական սահմանի անցման կետերում վիզաները տրվում են ՀՀ ոստիկանության անձնագրային և վիզաների վարչության ստորաբաժանման կողմից:
Սիրիահայերն ազատվում են վիզաների համար վճարումնմներից:
Որո՞նք են Հայաստանում առանց իրավական հիմքի մնալու հետևանքները:
Օտարերկրացիների կողմից ՀՀ-ում առանց վավերական արտոնագրի կամ կացության կարգավիճակի կամ անվավեր փաստաթղթերով բնակվելը առաջացնում է տուգանքի նշանակում` 50.000-100.000 ՀՀ դրամի չափով:
Կարգը սահմանված է վարչական իրավախախտումների վերաբերյալ օրենսգրքի 201-րդ հոդվածով:
