Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում ամբաստանյալի աթոռին է 38-ամյա Գարիկ Վարոսյանը. Այս մասին տեղեկանում ենք «Դատալեքս» դատական տեղեկատվական համակարգից:
Մեղադրական եզրակացության համաձայն՝ Գարիկ Վարոսյանը, հանդիսանալով Քնարիկ Վարոսյանի ամուսինը, շուրջ 2 տարի պարբերաբար, ալկոհոլ օգտագործած վիճակում, կենցաղային հարցերի շուրջ վիճաբանել է կնոջ հետ:
Վերջին վեճի ընթացքում (13.05.2015թ.) Գ, Վարոսյնաը 3-4 անգամ բռունցքներով հարվածներ է հասցրել հղի վիճակում գտնվող կնոջ՝ Ք. Վարոսյանի գլխին՝ դիտավորությամբ պատճառելով ֆիզիկական ուժեղ ցավ և հոգեկան տառապանքներ: Վեճից երկու օր հետո Ք. Վարոսյանը հեռացել է տանից և դիմել Արմավիրի մարզի «Արմենիա Լայթհաուս» կանանց աջակցման կենտրոն։
Գործի քննությունը շարունակվում է. ամբաստանյալ Գարիկ Վարոսյանի համար, որպես խափանման միջոց ընտրվել է ստորագրությամբ երկրից չբացակայելը:
Զ. Մանուչարյան
