Այսօր՝ ժամը 13.36-ին, ահազանգ է ստացվել, որ Երևանի Բաշինջաղյան փողոցի 2-րդ նրբանցքի թիվ 1 շենքի վերելակն ընկել է. անհրաժեշտ է փրկարարների օգնությունը: Այս մասին տեղեկանում ենք Տարածքային կառավարման և արտակարգ իրավիճակների նախարարությունից:
Դեպքի վայր են մեկնել մեկ մարտական հաշվարկ, ՃԿԿ օպերատիվ խումբը:
Դեռևս չպարզաբանված հանգամանքներում վերելակը պոկվել և վայր է ընկել. խցիկում հայտնաբերվել է Ա. Շ.-ի (մոտ 35 տարեկան) դին:
Հրշեջ-փրկարարները դին դուրս են բերել վերելակի հորանից:
