Ինչպես տեղեկացնում է Iravaban.net-ը, Վարչական իրավախախտումների վերաբերյալ ՀՀ օրենսգրքի 124-րդ հոդվածի 31-րդ մասը սահմանում է պատասխանատվություն ոստիկանության ծառայողի՝ տրանսպորտային միջոցը կանգնեցնելու օրինական պահանջը դիտավորյալ չկատարելու համար։
Պատասխանատվության միջոցները»
Օրենսդրությամբ սահմանված են հետևյալ պատժամիջոցները՝
- Վարորդական իրավունք ունեցող անձի համար՝
- Տրանսպորտային միջոցներ վարելու իրավունքից զրկում՝մեկ տարի ժամկետով
- Վարորդական իրավունք չունեցող անձի կամ արդեն իսկ վարորդական իրավունքից զրկված անձի համար՝
- Տուգանք՝սահմանված նվազագույն աշխատավարձի երկուհարյուրապատիկի չափով
Օրենսդրական հիմքերը.
Վարչական իրավախախտումների վերաբերյալ ՀՀ օրենսգրքի 124-րդ հոդվածի 31-րդ մասը հստակ սահմանում է.
«Տրանսպորտային միջոցը կանգնեցնելու մասին ոստիկանության ծառայողի օրենքով սահմանված կարգով տրված պահանջը վարորդների կողմից դիտավորյալ չկատարելը առաջացնում է տրանսպորտային միջոցներ վարելու իրավունքից զրկում մեկ տարի ժամկետով, իսկ տրանսպորտային միջոցներ վարելու իրավունք չունեցող կամ տրանսպորտային միջոցներ վարելու իրավունքից զրկված անձի նկատմամբ՝ տուգանքի նշանակում սահմանված նվազագույն աշխատավարձի երկուհարյուրապատիկի չափով»։
Հավելյալ տեղեկությունների համար կարող եք այցելել Iravaban.net մասնագիտական առցանց մեդիա։
Ծանուցում. սույն նյութը պատրաստված է միայն իրավական իրազեկման նպատակով և չի հանդիսանում իրավաբանական խորհրդատվություն։ Կոնկրետ իրավիճակներում իրավաբանական խորհրդատվություն ստանալու համար անհրաժեշտ է դիմել մասնագետի։
