Հայաստանի Հանրապետության պաշտպանության նախկին նախարար Դավիթ Տոնոյանն ազատության մեջ է, նա դուրս է եկել քրեակատարողական հիմնարկից։
«Արմենպրես»-ի հետ զրույցում լուրը հաստատեց Դավիթ Տոնոյանի փաստաբան Ալբերտ Բենգլյանը։
Ավելի վաղ հայտնի էր դարձել, որ դատարանի որոշմամբ՝ Դավիթ Տոնոյանը 15 միլիոն դրամ գրավի դիմաց ազատ կարձակվի կալանքից։
Դավիթ Տոնոյանին մեղադրանք է առաջադրվել ռազմամթերքի մատակարարման գործընթացում չարաշահմանն առնչվող քրեական գործով:Այս գործով մեղադրյալի կարգավիճակ ունեն նաեւ Հայաստանին զենք մատակարարող ընկերության ղեկավար Դավիթ Գալստյանը եւ ԶՈՒ գլխավոր շտաբի պետի նախկին տեղակալ Ստեփան Գալստյանը։
Դավիթ Տոնոյանը 2021 թվականի սեպտեմբերից կալանավորված էր։
Published by Armenpress, original at https://armenpress.am/hy/article/1197771
