Դեկտեմբերի 25-ին՝ ժամը 19։50-ի դրությամբ, սաստիկ բքի և տեսանելիության բացակայության պատճառով Վարդենյաց լեռնանցքը փակ է բոլոր տեսակի տրանսպորտային միջոցների համար։

Այս մասին հայտնում են «Ճանապարհային դեպարտամենտ» հիմնադրամից:

Աշոցքի, Ապարանի, Արագածի, Սպիտակի, Տաշիրի, Սևանի, Ճամբարակի, Մարտունիի, Վայքի, Սիսիանի, Դիլիջանի, Արարատի, Աբովյանի ավտոճանապարհներին տեղ-տեղ մերկասառույց է։

Ջերմուկի խաչմերուկից մինչև Սիսիանի խաչմերուկ հատվածը փակ է բոլոր տեսակի տրանսպորտային միջոցների համար։

Արթիկ-Ալագյազ ավտոճանապարհը բքի և ցածր տեսանելիության պատճառով դժվարանցանելի է։

Գորիսի և Սևանի տարածաշրջանի ավտոճանապարհներին բուք է։

Սպիտակի ոլորանները կցորդով տրանսպորտային միջոցների համար փակ են։

Միջպետական և հանրապետական նշանակության մյուս ավտոճանապարհները բաց են:

Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:

Հարգելի՛ վարորդներ, հորդորում ենք լինել ուշադիր, խստագույնս պահպանել ճանապարհային երթևեկության կանոնները և երթևեկել բացառապես ձմեռային անվադողերով։