Նոյեմբերի 25-ի ժամը 23.45-ին Խուդյակովի փողոցի տներից մեկի տանիքն այրվելու վերաբերյալ ՆԳՆ ոստիկանություն հաղորդում էր ստացվել: ՆԳՆ ոստիկանության Նոր Նորքի բաժնից մեկնած օպերատիվ խումբը պարզել էր, որ գազի արտահոսքի հետևանքով պայթյուն էր առաջացել, և նշված տանը վարձակալական հիմունքներով բնակվող 29-ամյա երիտասարդը տարբեր աստիճանի այրվածքներով տեղափոխվել էր հիվանդանոց:
Այս մասին հայտնում են ոստիկանությունից։
Դեկտեմբերի 1-ին «Այրվածքաբանության ազգային կենտրոն» ՓԲԸ-ից հաղորդում է ստացվել, որ 29-ամյա երիտասարդը մահացել է:
Կազմված փաստաթղթերն ուղարկվել են քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
