Արցախի Հանրապետությունից բռնի տեղահանված և Հայաստանի Հանրապետություն հասած մեր հայրենակիցներից 91 հազար 31–ն արդեն հաշվառվել են։ Այս մասին այսօր՝ հոկտեմբերի 2-ին, ճեպազրույցի ժամանակ հայտնել է վարչապետի մամուլի խոսնակ Նազելի Բաղդասարյանը։
Նրա խոսքով՝ հաշվառումը կարևոր է հետագայում սոցիալական տարբեր ծրագրերից օգտվելու համար։
«Արդեն 59.059 անձ ՀՀ տարբեր մարզերում օգտվել է տրամադրվող պետական աջակցությունից։ Սա նշանակում է, որ օգտվել են կա՛մ կացարաններից, կա՛մ կացարան ունեն, բայց օգտվել են այլ ծառայություններից, օրինակ` սնունդ է տրամադրվել, հիգիենիկ պարագաներ կամ դրամական միջոցներ»,- ասել է Բաղդասարյանը։
