Հուլիսի 10-ին լրանում է Արցախի շրջափակման 211-րդ օրը։

Artsakhpress-ը հայտնում է, որ Մարտակերտի շրջանի Վարնկաթաղ համայնքում հողերի մեծ մասը չեն կարողանում մշակել՝ ադրբեջանական դիրքերի դիտարկման տակ գտնվելու պատճառով։

2023 թվականի հուլիսի 3-10-ն ընկած ժամանակահատվածում ադրբեջանական կողմը 2 անգամ կոպտորեն խախտել է հրադադարի պահպանման ռեժիմը, թիրախավորել և կրակել է քաղաքացիական անձանց ու բնակավայրերի ուղղությամբ:

Անգլիայում գործող  «Բառնաբաս» հիմնադրամի կողմից Արցախի Հանրապետության Արցախի Մարտունու շրջանի Մյուրիշեն, Ավդուռ, Հաղորտի, Պառավաթումբ, Վարանդա համայնքներում բնակվող որոշ սոցիալական խմբերի ցուցաբերվել է հումանիտար օգնություն՝ անասնագլխաքանակի տեսքով:

Արցախի Հանրապետության նախագահ Արայիկ  Հարությունյանը հուլիսի 10-ին հրավիրել է  աշխատանքային խորհրդակցություն`իշխանության տարբեր թևերի ներկայացուցիչների, ուժային գերատեսչությունների ղեկավարների մասնակցությամբ։