Հուլիսի 7-ին, ժամը 02.55-ին, ՆԳՆ ոստիկանության օպերատիվ կառավարման կենտրոն զանգած քաղաքացին հայտնել էր, որ Հյուսիսային պողոտայի հյուրանոցներից մեկի մոտ ծեծկռտուք է:
Այս մասին հայտնում են ոստիկանությունից։
Ոստիկանության Կենտրոնական բաժնի օպերատիվ խումբը և ՊԾ Երևանի գնդի 4-րդ գումարտակի ծառայողները նշված հասցեում հայտնաբերել, խուլիգանություն կատարելու հիմնավոր կասկածով ձերբակալել և Կենտրոնական բաժին են տեղափոխել հինգ երիտասարդների: Պարզվել է, որ նրանք ժամը 02.50-ի սահմաններում Հյուսիսային պողոտայում, դիտավորյալ կերպով խախտելով հասարակական կարգը, փոխադարձ հարվածներ են հասցրել միմյանց և հնչեցրել սեռական բնույթի հայհոյանքներ:
Երիտասարդները և կազմված փաստաթղթերը ներկայացվել են քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
