Կառավարությունը շուրջ 2 միլիարդ դրամ կտրամադրի ոստիկանությանը։ Որոշումը ներկայացված է կառավարության հունիսի 17-ի նիստի օրակարգում։
Նախագծի հիմնավորման մեջ նշվում է, որ ՀՀ ոստիկանության ստորաբաժանումների ընթացիկ տարվա պահապանման ծախսերի պատշաճ ֆինանսավորումն ապահովելու նպատակով լրացուցիչ անհրաժեշտ միջոցներ ներգրավելու անհրաժեշտություն կա:
ՀՀ կառավարության 2021-2026 թթ․-երի ծրագրով ամրագրված՝ ոստիկանությունում աշխատանքի վարձատրության բնագավառում իրականացվող բարեփոխումներին համահունչ նախագծով հատկացումներ է նախատեսվում ոստիկանության ծառայողների (աշխատողների) արդեն իսկ ձևավորված տարեկան միջին անվանական աշխատավարձերի պահպանման նպատակով։
