«Հաջորդ շաբաթ մենք կփոխենք մարտավարությունը եւ ամբողջ քաղաքը ոտքի կկանգնի: Մենք այդպիսի ներուժ ունենք»,-այս մասին մայիսի 14-ին մամուլի ասուլիսի ժամանակ հայտարարեց ՀՅԴ Գերագույն մարմնի ներկայացուցիչ, ՀՀ ԱԺ փոխխոսնակ ընդդիմադիր Իշխան Սաղաթելյանը

«Ի՞նչ է պետք ներկայիս իշխանությանըհեռա ցնելու համար: Դրան կարելի է հասնել հանրային ճնշման միջոցով, որպեսզի պետական ​​ապարատը չկարողանա լիարժեք սպասարկել Փաշինյանին։ Պետք է մեծացնել հանրային պահանջարկի ծավալը. Իշխանությունները հոգեվարքի մեջ են, ամոթալի մարտավարություն են կիրառում: 2020 թ. նոյեմբերի 9-ի գիշերային իրադարձությունների հիմքով մարդիկ կանչվում են հարցաքննության, ճնշումներ են գործադրում, տարբերակված մոտեցում են կիրառվում ընդդիմության եւ նրանց համախոհների գործողությունների նկատմամբ։ Մենք հումորով ենք վերաբերվում լուրերին, թե ուզում են մեզ մանդատից զրկել. Մանդատը մեզ տվել է ժողովուրդը, ժողովուրդը հիմա փողոցում է, մենք էլ ենք փողոցում, այնտեղ սպասարկում ենք իր շահերը։

Եթե ​​պետք լինի լինել խորհրդարանում՝ ժողովրդի շահերը սպասարկելու համար, ապա մենք այնտեղ կլինենք, բայց՝ միայն մեր օրակարգով։ Մենք պետք է մեր բոլոր համակիրներին փողոց իջեցնենք, այդ դեպքում կկարողանանք հասնել իշխանության հեռացմանը, եւ այդ օրը հեռու չէ»,- ընդգծեց Սաղաթելյանը։

Նա նաև նշել է, որ ինքը վերադառնալու է խորհրդարան, «Հայաստան» դաշինքում ամբողջական որոշում դեռ չկա։ Ըստ նրա՝ խորհրդարան վերադառնալու են բացառապես իրենց օրակարգով։

«Հիմա քննարկում են մեզ մանդատներից զրկելու հարցը, հումորով ենք վերաբերում այդ հարցին, մենք ժողովրդի կողմից ունենք մանդատ՝ ժողովրդի օրակարգը սպասարկելու համար։ Այսօր այդ օրակարգը փողոցում է, մենք փողոցում ենք, եթե այդ օրակարգը լինի խորհրդարանում, մենք կլինենք խորհրդարանում։ Մեկ մանդատ ունենք մենք՝ սպասարկել ժողովրդի պահանջը և գնում ենք այդ ճանապարհով։ Մի քանի ամիս խորհրդարանում մեր ամբողջ գործիքակազմով սպասարկել ենք մեր ժողովրդի պահանջը և օրակարգը, հետո այս օրակարգը թելադրել է դուրս գալ փողոց»,- ասաց Սաղաթելյանը։