.png)
Արագածոտնի մարզի ընդհանուր իրավասության դատարանում քննության է առնվում Սուրիկ Լ.-ի դեմ հարուցված քրեական գործը:
Ինչպես հաղորդում է դատական տեղեկատվական համակարգը, Սուրիկ Լ.- ին մեղադրանք է առաջադրվել այն բանի համար, որ նա 2013թ. հունվարի 1-ին ալկոհոլային հարբած վիճակում Աշտարակ-Էջմիածին ավտոճանապարհի Սասունիկ գյուղ տանող խաչմերուկը հատելիս Վոլկսվագեն Գոլֆ մակնիշի ավտոմեքենայով թույլ է տվել ՃԵԿ-ի 96-րդ կետի պահանջներին հակասող գործողություններ, բախվել է Գալուստ Ո.-ի վարած ՎԱԶ-2109 մակնիշի ավտոմեքենային, վթարի է ենթարկվել, որի հետևանքով ՎԱԶ-2109 մակնիշի ավտոմեքենայի ուղևոր Սիմա Վ.-ին անզգուշությամբ պատճառել է մահ:
Գործով մեղադրյալի նկատմամբ որպես խափանման միջոց ընտրվել է ստորագրություն չհեռանալու մասին:
Իրավաբան.net-ում դատական գործերով անցնող անձանց անունները հասկանալի պատճառով ներկայացվում են փոխված:
Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
