Կենտրոն և Նորք-Մարաշ վարչական շրջանների ընդհանուր իրավասության դատարան քննության է առել քրեական գործը ըստ մեղադրանքի`Ռուբեն Մ.ի:

Վերջինիս մեղադրանք է առաջադրվել այն բանի համար, որ նա Երևան քաղաքում մարմնավաճառությամբ զբաղվող Լիանա Ս.-ի, Գեղեցիկ Մ.-ի, էմմա Կ.-ի և Գայանե Բ.-ի հետ ծանոթանալուց հետո, պայմանավորվածության համաձայն, գույքային օգուտ ստանալով նրանց կողմից պոռնկությամբ զբաղվելուն նպաստելու դիտավորությամբ, 2012թ. մարտից մինչև 2013թ. մարտ ամիսն ընկած ժամանակահատվածում, պարբերաբար, գումարի դիմաց սեռական հարաբերություն ունենալու համար կազմակերպել է վերջիններիս ինտիմ հանդիպումներն իր ծանոթ՝ արտերկրից Հայաստան ժամանած իր սիրիահայ հայրենակիցների հետ, և յուրաքանչյուր դեպքով հաճախորդ ապահովելու ծառայության դիմաց մարմնավաճառներից որպես միջնորդավճար՝ 10.000-ից 15.000-ական ՀՀ դրամ ստանալով` երկու և ավելի անձանց օգտագործելով, նպաստել է Լիանա Ս.-ին և մյուսների պոռնկությամբ ՛զբաղվելուն։

Մեղադրյալի նկատմամբ խափանման միջոց է ընտրվել կալանավորումը:

Նյութի սկզբնաղբյուրը հանդիսանում է www.datalex.am կայքը:

Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Աղբյուրը` Իրավաբան.net