Կոտայքի մարզպետ Ռոմանոս Պետրոսյանը հայտարարություն է տարածել, որումասվում է․
«Սիրելի՛ հայրենակիցներ,
Ինչպես գիտեք, Կոտայքում ևս ունենք կորոնավիրուսի վարակի հաստատված դեպքեր:
Սիրելինե՛րս,
Վարակի հետագա տարածումը նվազեցնելը և կանխարգելելը կախված է յուրաքանչյուրիցս:
Այս ընթացքում չափազանց կարևոր է անձնական պատասխանատվության և սեփական քայլերի գիտակցումը, քայլեր, որոնցից կախված է ոչ միայն մեր, այլ նաև դիմացինի առողջությունն ու անվտանգությունը:
Ուստի, ևս մեկ անգամ հորդորում եմ խստորեն հետևել հանրապետությունում արտակարգ դրությամբ պայմանավորված՝ պարետատան սահմանած ցուցումներին և սահմանափակումներին:
Կոչ եմ անում մնալ տանը, ինքնամեկուսանալ, տնից դուրս գալ միմիայն կենսական անհրաժեշտության պարագայում՝ ձեզ մոտ ունենալով հատուկ նմուշի ձևաթուղթը պահպանել անձնական հիգիենայի բոլոր կանոնները:
Հիշեցնում եմ, որ Արտակարգ դրության իրավական ռեժիմի կանոնները խախտելու համար պատասխանատվություն է սահմանված «Վարչական իրավախախտումների վերաբերյալ» ՀՀ օրենսգրքի 182.3 հոդվածով։
Իսկ ահա՝ որպես սահմանափակում նախատեսված մեկուսացման կամ ինքնամեկուսացման կանոնները կամ ազատ տեղաշարժվելու իրավունքի այլ սահմանափակումները խախտելը առաջացնում է տուգանքի նշանակում՝ 100-250 հազար դրամի չափով:
