ՀՀ վարչապետի աշխատակազմի Քաղաքացիական ծառայողի գրասենյակում 2 փուլով ընթացող մրցույթի արդյունքում Արթուր Ռաֆայելի Մխիթարյանը վարչապետի հրամանով նշանակվել է Լոռու մարզպետարանի գլխավոր քարտուղարի պաշտոնում:
Իրավաբան․net-ը ներկյաացնում է Արթուր Մխիթարյան կենսագրությունը:
Արթուր Ռաֆայելի Մխիթարյանը ծնվել է 1980 թ օգոստոսի 18-ին ք.Կիրովականում:
1987թ-ին ընդունվել և 1997թ.-ին ավարտել է Վանաձորի Ա.Ս.Պուշկինի անվան թիվ 4 միջնակարգ դպրոցը:
1997-2004թթ սովորել և ավարտել է Երևանի Մխիթար Հերացու անվան պետական բժշկական համալսարանի ռազմաբժշկական ֆակուլտետը:
2004-2005թթ. անցել է կլինիկական ինտերնատուրա Վանաձորի կայազորային հոսպիտալում:
2005-2009թթ ծառայել է Արցախի հանրապետության Պաշտպանության Բանակում, զբաղեցնելով զորամասի բուժկետի պետի, զորամասի բուժծառայության պետի, դիվիզիայի բուժծառայության պետի պաշտոններ:
2009-2011թթ. սովորել և ավարտել է Երևանի Մխիթար Հերացու անվան պետական բժշկական համալսարանի օրդինատուրան «ֆիզիոթերապիա» մասնագիտությամբ:
2011-2018թթ ծառայել է ՀՀ ՊՆ «Լեռնային Հայաստան» առողջարանում, որպես ֆիզիոթերապիայի և բուժական մարմնամարզության բաժնի պետ:
2018 թվականի դեկտեմբերի 3-ից մինչև 2019 թվականի դեկտեմբերի 20-ը զբաղեցրել է Լոռու մարզպետարանի առողջապահության և սոցիալական ապահովության վարչության պետի պաշտոնը:
Անցել է մի շարք վերապատրաստումներ, մասնակցել միջազգային գիտագործնական կոնֆերանսների:
Պահեստազորի սպա է(բ/ծ մայոր), պարգեվատրվել է մի շարք պատվոգրերով, «Ամբասիր ծառայության» 1-ին և 2-րդ աստիճանի մեդալներով:
Տիրապետում է ռուսերեն և գերմաներեն լեզուների:
Ամուսնացած է, ունի մեկ զավակ:
