Ընդհանուր կանոնի համաձայն` եթե պատճառվել է վնաս, ուրեմն այն ենթակա է հատուցման:
Այս կանոնից նախատեսված են որոշակի բացառություններ:
Նախ պետք է իմանալ, որ տուժողի դիտավորության հետևանքով ծագած վնասը չի հատուցվում, իսկ եթե տուժողն իր կոպիտ անզգուշությամբ նպաստել է վնասի առաջացմանը կամ մեծացմանը, հատուցման չափը պետք է նվազեցվի` կախված տուժողի և վնաս պատճառողի մեղքի աստիճանից:
Տուժողի կոպիտ անզգուշության առկայության և վնաս պատճառողի մեղքի բացակայության այն դեպքերում, երբ պատասխանատվությունը վրա է հասնում մեղքից անկախ, հատուցման չափը կարող է նվազեցվել կամ վնասի հատուցումը կարող է մերժվել, եթե այլ բան նախատեսված չէ օրենքով: Քաղաքացու կյանքին կամ առողջությանը վնաս պատճառելու դեպքում վնասի հատուցումը չի կարող մերժվել:
Տուժողի մեղքը հաշվի չի առնվում լրացուցիչ ծախսերը , կերակրողի մահվամբ ծագած վնասը, ինչպես նաև թաղման ծախսերը հատուցելիս:
Օրենքը միաժամանակ դատարանին հնարավորություն է տալիս նվազեցնել քաղաքացու կողմից պատճառված վնասի հատուցման չափը` հաշվի առնելով վերջինիս գույքային դրությունը, բացառությամբ այն դեպքերի, երբ վնասը պատճառվել է դիտավորյալ կատարված գործողություններով:
Աղբյուրը` Իրավաբան.net
Ո˚ր դեպքերում չի հատուցվում պատճառված վնասը
![](/banner/iravaban-net_840x90.png)
![](https://iravaban.net/wp-content/uploads/2012/10/IMG_0331.jpg)