Որպես կանոն, ամուսնացող անձանց բժշկական հետազոտությունը, ինչպես նաև բժշկագենետիկական և ընտանիքի պլանավորման հարցով խորհրդատվությունն անցկացնում են առողջապահական կազմակերպությունները պետության կողմից երաշխավորված ամենամյա առողջապահական նպատակային ծրագրերի շրջանակներում` ամուսնացող անձանց ցանկությամբ:
Ինչպես ցանկացած բժշկական հետազոտության արդյունք, այնպես էլ ամուսնացող անձի հետազոտության արդյունքները համարվում են բժշկական գաղտնիք: Այդ արդյունքները հետազոտություն անցած անձի համաձայնությամբ կարող են հաղորդվել միայն այն անձին, որի հետ նա մտադիր է ամուսնանալ:
Եթե ամուսնացած անձը մյուս ամուսնուց թաքցրել է ամուսնության պետական գրանցման պահին իր մոտ սեռավարակի (ընդ որում մարդու իմունային անբավարարության վիրուսի), ինչպես նաև հոգեկան հիվանդության և թմրամոլության, թունամոլության առկայության փաստը, ապա մյուս ամուսինն իրավունք ունի ամուսնությունն անվավեր ճանաչելու համար դիմել դատարան:
Աղբյուրը`Իրավաբան.net