Կառավարության վաղվա նիստի օրակարգային հարցերից մեկը վերաբերում է տրանսպորտի և կապի նախարարությանը նախարարությանը շուրջ 6 միլիոն դրամ հատկացնելուն:

Ֆինանսների նախարար Վարդան Արամյանը կներկայացնի որոշման նախագիծ, համաձայն որի. «ՀՀ քաղաքացիներ հանդիսացող Հայրենական մեծ պա­տերազմի հաշմանդամներին և մասնակիցներին, ինչպես նաև նրանց հավասարեցված անձանց ԱՊՀ տարածքում «Սիբիր» ավիաընկերություն» բաց բաժնետիրական ընկերության կողմից 2016 թվականի 2-րդ եռամսյակում զեղչ սակագնով կամ անվճար ծառա­յու­թյուն­ներ մատուցելու հետևանքով չստացված եկամուտների փոխհատուցման նպատակով ՀՀ տրանսպորտի և կապի նախարարությանը ՀՀ  2016 թվականի պետական բյուջեով նախատեսված ՀՀ կառավարության պահուստային ֆոնդից 2016 թվականին հատկացնել 5,967.5 հազար դրամ` (բյու­ջե­տային ծախսերի տնտեսագիտական դասակարգման «Այլ նպաստներ բյուջեից» հոդ­վա­ծով)»:

1. Իրավական ակտի անհրաժեշտությունը

Սույն որոշման նախագծի ներկայացումը պայմանավորված է ՀՀ քա­ղա­քացիներ հան­դի­սացող Հայրենական մեծ պա­տերազմի հաշմանդամներին և մաս­նա­կից­ներին, ինչպես նաև նրանց հավասարեցված անձանց ԱՊՀ տարածքում «Սիբիր» ավիա­ըն­կե­րություն» ԲԲԸ-ի կողմից ԱՊՀ երկրների ղեկավարների կողմից 1993թ. մարտի 12-ին կնքված «Հայ­րե­նա­կան մեծ պատերազմի հաշմանդամների և մասնակիցների, ինչպես նաև նրանց հավա­սա­րեց­ված անձանց համար արտոնյալ երթևեկության իրավունքների փոխադարձ ճանաչման մա­սին» համաձայնագրի շրջանակներում զեղչ սակագնով կամ անվճար ծառա­յու­թ­յուն­ներ մա­տուցելու հետևանքով 2016 թվականի 2-րդ եռամսյակում  չստացված եկամուտները ՀՀ կա­ռավարության 2003 թվականի հոկտեմբերի 16-ի N 1353-Ն որոշման 1-ին կետով հաս­տատ­ված կարգի համաձայն փոխհատուցելու անհրա­ժեշ­տու­թյամբ:

2. Ընթացիկ իրավիճակը և խնդիրները

ԱՊՀ երկրների ղեկավարների կողմից 1993թ. մարտի 12-ին կնքված «Հայրենական մեծ պատերազմի հաշմանդամների և մասնակիցների, ինչպես նաև նրանց հավասարեցված անձանց համար արտոնյալ երթևեկության իրավունքների փոխադարձ ճանաչման մասին» համաձայնագրով Հայրենական մեծ պատերազմի հաշմանդամներին և մասնակիցներին, ինչ­պես նաև նրանց հավասարեցված անձանց տրամադրվել է անվճար կամ զեղչ սա­կա­գներով ԱՊՀ տարածքում օդային տրանսպորտով երթևեկելու իրավունք:

ՀՀ ոչ ռեզիդենտ հանդիսացող «Սիբիր» ավիա­ըն­կե­րություն» ԲԲԸ-ը դիմել է ՀՀ տրանս­­պ­որտի և կապի նա­խա­րա­րու­թ­յուն ՀՀ քա­ղա­քացիներ հան­դի­սացող Հայրենական մեծ պատ­­ե­րազմի հաշման­դամ­ներին և մաս­­նա­կից­ներին, ինչպես նաև նրանց հավաս­արեց­ված ան­ձանց ԱՊՀ տա­րած­քում վերը նշված համաձայնագրի շրջանակներում ընկերու­թ­յան կող­մից զեղչ սակագնով կամ անվճար ծառա­յու­թ­յուն­ներ մատուցելու հետևանքով 2016 թվականի 2-րդ եռամսյակում չստացված եկամուտները փոխ­հատուցելու մասին խնդրանքով: Այդ կապակցությամբ ՀՀ տրանս­պ­որտի և կապի նախարարությունը ՀՀ ֆինանսների նախա­րա­րու­թյուն է ներկա­յաց­րել է 2016 թվականի 2-րդ եռամսյակում նշված ընկերության կողմից ՀՀ քա­ղա­քա­ցիներ հանդիսացող Հայրենական մեծ պատերազմի հաշմանդամներին և մաս­նա­կից­ներին, ինչպես նաև նրանց հավասարեցված անձանց զեղչային սակագներով ԱՊՀ տա­րած­քում մատուցված ծառայությունների ցանկը:

ՀՀ կառավարության 2003 թվականի հոկտեմբերի 16-ի N 1353-Ն որոշման 1-ին կետով հաստատված կարգի 34-րդ կետի համաձայն եթե տվյալ տարվա ՀՀ պետական բյուջեի մա­սին ՀՀ օրենքով ՀՀ ոչ ռեզիդենտ կազմակերպությունների կողմից ՀՀ օրենսդրության կամ ՀՀ միջազգային պայմանագրի համաձայն զեղչ սակագնով կամ անվճար ծառա­յութ­յուն­ներ մատուցվելու արդյունքում չստացված եկամուտները փոխհատուցելու նպատակով գու­մար­ներ նախատեսված չեն կամ նախատեսված գումարները բավարար չեն, ապա ՀՀ ֆինանս­նե­րի նախարարությունը ՀՀ կառավարություն է ներկայացնում համապատասխան որոշման նախագիծ՝ փոխհատուցման գումարները ՀՀ պետական բյուջեով նախատեսված ՀՀ կա­ռա­վարության պահուստային ֆոնդից վճարելու համար:

Նկատի ունենալով այն հանգամանքը, որ վերոնշյալ նպատակի համար «Հայաստանի Հան­րապետության 2016 թվականի պե­տա­­կան բյուջեի մասին» ՀՀ օրենքով գումարներ նախատեսված չեն ՀՀ ֆինանսների նախարարության կողմից մշակվել և ՀՀ կառավա­րու­թյուն է ներկայացվել սույն որոշման նախագիծը:

2. Կարգավորման նպատակը և բնույթը

Նախագծի նպատակն է «Սիբիր» ավիաընկերություն» ԲԲԸ-ի կողմից ՀՀ քաղաքացիներ հան­դիսացող Հայրենական մեծ պատերազմի հաշմանդամներին և մասնակիցներին, ինչ­պես նաև նրանց հավասարեցված անձանց զեղչային սակագներով մատուցվող ծառա­յու­թ­յունների դիմաց 2016 թվականի 2-րդ եռամսյակում չստացված եկամուտների փոխհատուցման նպա­տակով ՀՀ տրանսպորտի և կապի նախարարությանը ՀՀ 2016 թվականի պետական բյու­ջե­ով նախատեսված ՀՀ կառավարության պահուստային ֆոնդից 2016 թվականին հատկացնել 5,967.5 հազ. դրամ:

3. Նախագծի մշակման գործընթացում ներգրավված ինստիտուտները

ՀՀ ֆինանսների նախարարություն և ՀՀ տրանսպորտի և կապի նախարարություն:

4. Իրավական ակտի կիրառման դեպքում ակնկալվող արդյունքը

Սույն իրավական ակտի կիրառման դեպքում հնարավորություն կստեղծվի փոխ­հա­տուց­ել ՀՀ քաղաքացիներ հան­դիսացող Հայրենական մեծ պատերազմի հաշմանդամներին և մաս­նա­կիցներին, ինչ­պես նաև նրանց հավասարեցված անձանց զեղչային սակագներով մա­տուց­վող ծառա­յու­թ­յունների դիմաց 2016 թվականի 2-րդ եռամսյակում «Սիբիր» ավիաըն­կե­րություն» ԲԲԸ-ի չստացված եկամուտները:

Իրավաբան.net