Քաղաքացիական կացության ակտերի գրանցման ոլորտում գործնականում մի շարք խնդիրներ են առաջացել: Նշենք, որ 2014 թվականի սեպտեմբերի 30-ից արդեն իսկ գործարկվում է քաղաքացիական կացության ակտերի գրանցման միասնական էլեկտրոնային կառավարման համակարգը, որի շրջանակներում, մեկ պատուհանի սկզբունքով, ապահովվում է ՔԿԱԳ տարածքային բոլոր բաժինների միավորման միջոցով հնարավորինս սեղմ ժամկետներում քաղաքացիներին ցանկացած ծառայություն մատուցելու հնարավորությունը:

Վերոնշյալ համակարգի կիրառումը հնարավորություն է տալիս քաղաքացիներին առավել դյուրին եղանակով օգտվել պետական ծառայություններից՝ սույն կերպ ապահովելով նաև թափանցիկությունը և ընդառաջ գնալով հակակոռուպցիոն ռազմավարության մշակմանը:

Կառավարությունը շեշտում է, որ այդուհանդերձ վերոնշյալ համակարգի կիրառման արդյունքում գրանցած՝ ՔԿԱԳ ոլորտում ծառայությունների մատուցման բարելավումներին զուգահեռ անհրաժեշտ է նաև համալրել վերոնշյալ ծառայությունների տեսակները՝ ներդնելով նոր բարելավված ծառայություններ, որոնք քաղաքացիներին հնարավորություն կընձեռեն առավելագույնս խնայել նշված ծառայությունները ստանալու հետ կապված ռեսուրսները և խուսափել ժամանակի անհարկի վատնումից: Սա կարևոր է նաև կոռուպցիոն ռիսկերը չեզոքացնելու համար:

Այնպես որ Արդարադատության նախարարությունը նախորդ նիստին ներկայացրեց նախագիծ, որի շրջանակներում առաջարկվում է ընդլայնել նաև իրավաբանական անձանց պետական գրանցման ոլորտում մատուցվող ծառայությունների ցանկը՝ նախատեսելով «նախքան պետական գրանցման համար դիմում ներկայացնելը՝ պետական գրանցման համար պահանջվող փաստաթղթերի», ինչպես նաև  «վերակազմակերպմամբ պայմանավորված պետական գրանցման համար անհրաժեշտ փաստաթղթերի կազմում» ծառայությունները: Վերոնշյալ ծառայությունների ներդրումը իր հերթին նպատակ է հետապնդում բարելավել իրավաբանական անձանց պետական գրանցման ոլորտում սպասարկման որակը, հեշտացնել փաստաթղթեր կազմելու հետ կապված գործընթացը՝ ապահովելով ժամանակի զգալի խնայողություն:

Այսպիսով նպատակն է` ընդլայնել քաղաքացիական կացության ակտերի և իրավաբանական անձանց պետական գրանցման  ոլորտում մատուցվող ծառայությունների շրջանակը, ներդրնել նոր ծառայություններ, որոնք միտված են բարձրացնել ծառայությունների մատուցման որակը և խնայել քաղաքացիների միջոցներն ու ժամանակը:

Հարկ է նշել նաև, որ քաղաքացիական կացության ակտերի գրանցման ոլորտում ծառայությունների նոր տեսակների ներդրման արդյունքում հնարավոր կլինի նաև նշված ոլորտում բացառել ստվերային շրջանառությունը, ազատել քաղաքացիներին նշված ծառայությունները ստանալու նպատակով մի շարք մարմիններ դիմելու ավելորդ քաշքշուկներից և մեկտեղել որոշ ծառայությունների մատուցմանն ուղղված գործողությունները:

Ուստի գործադիրը վերջին նիստին հաստատեց որոշումը, որով սահմանվում է գնացուցակը: Շեշտենք, որ որոշումն ուժի մեջ է մտնում պաշտոնական հրապարակմանը հաջորդող օրվանից: Որոշման 1-ին կետի 3-րդ ենթակետն ուժի մեջ է մտնում 2016 թվականի նոյեմբերի 1-ին:

Ստորև ներկայացնում ենք փոփոխությունների բովանդակությունը.

Ղեկավարվելով «Իրավական ակտերի մասին» ՀՀ օրենքի 70-րդ հոդվածի 1-ին մասի պահանջներով՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2011 թվականի հունիսի 2-ի «Իրավաբանական անձանց պետական գրանցման, անհատ ձեռնարկատերերի պետական հաշվառման,քաղաքացիական կացության ակտերի գրանցման և ապոստիլ դնելու, շարժական գույքի նկատմամբ ապահովված իրավունքների գրանցման հետ կապված լրացուցիչ վճարովի ծառայությունների ցանկը և վճարների չափերը հաստատելու, Հայաստանի Հանրապետության արդարադատության նախարարությանն արտաբյուջետային հաշիվ բացելու թույլտվություն տալու մասին» N 860-Ն որոշման N 1 Հավելվածի՝

• 18-րդ կետը շարադրել նոր խմբագրությամբ հետևյալ բովանդակությամբ.

• 18-րդ կետից հետո լրացնել հետևյալ բովանդակությամբ նոր 18.1-րդ, 18.2-րդ և 18.3-րդ կետերով.

• 19-րդ կետից հետո լրացնել հետևյալ բովանդակությամբ նոր 19.1-րդ կետով.

• 20-րդ կետից հետո լրացնել հետևյալ բովանդակությամբ նոր 20.1-րդ, 20.2-րդ կետերով.

• լրացնել հետևյալ բովանդակությամբ նոր` 21-րդ, 22-րդ, 23-րդ, 24-րդ, 25-րդ, 26-րդ, 27-րդ, 28-րդ, 29-րդ, 30-րդ, 31-րդ, 32-րդ, 33-րդ, 34-րդ, 35-րդ, 36-րդ, 37-րդ, 38-րդ և 39-րդ կետերով:

Իրավաբան.net