iravaban.net http://iravaban.net Tue, 19 Jun 2018 18:01:35 +0000 hy-AM hourly 1 Մանվել Գրիգորյանը կալանավորվեց http://iravaban.net/194508.html Tue, 19 Jun 2018 18:00:40 +0000 http://iravaban.net?p=194508 Ազգային ժողովի պատգամավոր, «երկրապահ կամավորականների միություն» ՀԿ նախագահ Մանվել Գրիգորյանը կալանավորվեց՝ դատարանի որոշմամբ: Այս մասին  Իրավաբան.net-ի թղթակցին հայտնել է նրա փաստաբան Արսեն Մկրտչյանը:

Դատարանը, դատավոր Մարինե Մելքոնյանի նախագահությամբ, բավարարել է նրա հանդեպ որպես խափանման միջոց կալանք ընտրելու միջնորդությունը:

Մանվել Գրիգորյանի խափանման միջոցը որոշվեց

Gepostet von Iravaban.net am Dienstag, 19. Juni 2018

]]>
Դատարանի ընկեր. քննարկվեց նոր ինստիտուտի դերը՝ որպես ժողովրդավարական կառույց http://iravaban.net/194447.html Tue, 19 Jun 2018 18:00:35 +0000 http://iravaban.net?p=194447 Read more »]]> Այսօր՝ հունիսի 15-ին, Եվրամիության կողմից ֆինանսավորվող «Կառուցողական երկխոսության հանձնառություն» ծրագրի շրջանակում անցկացվեց հանդիպում-քննարկում «Դատարանի ընկեր» ինստիտուտի հասկացության  և Հայաստանում դրա ներդրման հնարավորության վերաբերյալ: Միջոցառմանը մասնակցում էին դատական մարմինների և քաղաքացիական հասարակության ներկայացուցիչներ,  փորձագետներ:

Ծրագրի իրավաբան-փորձագետ Նարեկ Ենոքյանը ներկայացրեց, որ «դատարանի ընկեր» ինստիտուտը դատական պրակտիկայում երկու նպատակ ունի՝ առաջին, երբ հանրության համար մեծ կարևորություն ունեցող կամ վիճահարույց հարց քննելիս օգնել գործը քննող դատարանին առավել ժողովրդավարական և հանրության համար ընդունելի ակտ կայացնել: Եվ երկրորդ՝ ապահովել հասարական հնարավորինս լայն շրջանակների ներգրավածություն դատական գործընթացներին և դատական պրոցեսներում մասնագիտացված կառույցների ներուժն օգտագործել՝ դատարանին աջակցություն ցուցաբերելու նպատակով:

Նարեկ Ենոքյանը խոսեց որպես դատարանի ընկեր մարդու իրավունքների պաշտպանի դերի մասին և ներկայացրեց միջազգային փորձը: ՀՀ Մարդու իրավունքների պաշտպանի գրասենյակի աշխատակից Վանուհի Փայտյանը նշեց, որ  Պաշտպանն իրավունք չունի միջամտել դատավարական գործընթացներին և միայն իրավունք ունի դիմելու Հայաստանի Հանրապետության սահմանադրական դատարան՝ օրենքների մարդու և քաղաքացու հիմնական իրավունքներին և ազատություններին համապատասխանության հարցով:

Ծրագրի իրավաբան-փորձագետ Մերի Հարությունյանը խոսեց որպես դատարանի ընկեր՝ հասարակական կազմակերպությունների դերի մասին և ներկայացրեց միջազգային փորձը: Քննարկման ժամանակ ՀՀ դատական դեպարտամենտի աշխատակից Մարգարիտ Ամյանը հարց բարձրացրեց, թե արդյո՞ք կան պրակտիկ օրինակներ, երբ հասարակական կազմակերպությունը կոնկրետ գործով հանդես է եկել որպես դատարանի ընկեր կամ amicus curiae:

Մերի Հարությունյանը ներկայացրեց, որ «Տատյանա Ռոմանենկոն ընդդեմ Ռուսաստանի» գործով ՄԻԵԴ-ի քննությանը ենթակա լինելու կապակցությամբ իրավական եզրակացություններ են տվել «Բաց հասարակության իրավական նախաձեռնություն» և Մոսկվայի «Մեդիա Իրավունքի ինստիտուտ» ՀԿ-ները: Ավելին, այդ դիտարկումները ներառում են Միացյալ Նահանգների, Միացյալ Թագավորության, Ֆրանսիայի և Հնդկաստանի դատական պրակտիկան:

Քննարկման արդյունքում մի շարք դիտարկումներ և առաջարկություններ եղան ինստիտուտի դրական և բացասական կողմերի վերաբերյալ, որոնք կհամակարգվեն և հետագայում նոր քննարկումների առարկա կդառնան, կհստակեցվենինստիտուտի ներդրման համար ներկայիս խոչընդոտները և դրանց լուծման ուղղությամբ քայլեր կարվեն:

]]>
Ի՞նչ պատիժ կսպասվի Մանվել Գրիգորյանին, եթե ապացուցվեն նրան մեղսագրված արարքները http://iravaban.net/194485.html Tue, 19 Jun 2018 17:30:27 +0000 http://iravaban.net?p=194485 Read more »]]> Ազգային ժողովի պատգամավոր Մանվել Գրիգորյանին այսօր՝ հունիսի 18-ին մեղադրանք է առաջադրվել ՀՀ քրեական օրենսգրքի 235-րդ հոդվածի 2-րդ մասով և  179-րդ հոդվածի 3-րդ մասի 1-ին կետով։

Ստորև ներկայացնում ենք, թե ի՞նչ պատիժ է նրան սպասվում, եթե նրան մեղսագրված արարքներն ապացուցվեն։

Քրեական օրենսգրքի 235-րդ հոդվածով սահմանվում է ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը, ըստ որի․

  1. Ապօրինի կերպով հրազեն, բացի ողորկափող հրազենից և դրա փամփուշտներից, ռազմամթերք, ակոսափող հրազենի փամփուշտներ, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը՝ պատժվում է կալանքով՝ առավելագույնը 3 ամիս ժամկետով, կամ ազատազրկմամբ՝ առավելագույնը 3 տարի ժամկետով:
  2. Սույն հոդվածի առաջին մասով նախատեսված արարքները, որոնք կատարվել են մի խումբ անձանց կողմից նախնական համաձայնությամբ՝ պատժվում են ազատազրկմամբ՝ 2-6 տարի ժամկետով:
  3. Սույն հոդվածի առաջին մասով նախատեսված արարքները, որոնք կատարվել են կազմակերպված խմբի կողմից՝ պատժվում են ազատազրկմամբ՝ 3-8 տարի ժամկետով:

Նույն օրենսգրքի 179-րդ հոդվածով սահմանվում է յուրացնելը կամ վատնելը։ Համաձայն 179-րդ հոդվածի՝

1. Յուրացնելը կամ վատնելը՝ հանցավորին վստահված ուրիշի գույքի հափշտակությունը զգալի չափերով՝ պատժվում է տուգանքով՝ 300-500 հազար դրամի չափով, կամ կալանքով՝ առավելագույնը 2 ամիս ժամկետով, կամ ազատազրկմամբ՝ առավելագույնը 2 տարի ժամկետով:

2. Նույն գործողությունը, որը կատարվել է՝

  • 1) պաշտոնեական դիրքն օգտագործելով,
  • 2) մի խումբ անձանց կողմից նախնական համաձայնությամբ,
  • 3) խոշոր չափերով` պատժվում է տուգանքով`500 հազարից մինչև 1 միլիոն դրամ, կամ ազատազրկմամբ`2-5 տարի ժամկետով` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով` առավելագույնը 3 տարի ժամկետով կամ առանց դրա:

3. Սույն հոդվածի առաջին կամ երկրորդ մասով նախատեսված գործողությունը, որը կատարվել է՝

  • 1) առանձնապես խոշոր չափերով,
  • 2) կազմակերպված խմբի կողմից` պատժվում է ազատազրկմամբ` 5-8 տարի ժամկետով` գույքի բռնագրավմամբ կամ առանց դրա:

 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

]]>
Ի՞նչ կենսագրություն ունի Երևան քաղաքի առաջին ատյանի ընդհանուր իրավասության դատարանի նախագահ Ռուբեն Վարդազարյանը http://iravaban.net/194395.html Tue, 19 Jun 2018 15:30:01 +0000 http://iravaban.net?p=194395 Read more »]]> Հունիսի 18-ին Բարձրագույն դատական խորհուրդը Երևան քաղաքի առաջին ատյանի ընդհանուր իրավասության դատարանի նախագահ է ընտրել Ռուբեն Վարդազարյանին։

Իրավաբան․net-ը ձեզ է ներկայանցնում նրա կենսագրությունը։

Ռուբեն Վարդազարյանը ծնվել է 1967 թվականին Երևան քաղաքում։

1984 թվականին ընդունվել է ԵՊՀ իրավաբանական ֆակուլտետի ցերեկային ուսումնական բաժինը։

1985 թվականից մինչև 1987 թվականը ծառայել է Խորհրդային բանակում։

1991 թվականին ավարտել է ԵՊՀ իրավաբանական ֆակուլտետը և ստացել իրավագետի որակավորում։

1991 թվականից մինչև 1998 թվականն աշխատել է «Սպուտնիկ» միջազգային երիտասարդական տուրիզմի բյուրոյում՝ որպես իրավախորհրդատու, այնուհետև՝ իրավաբանական բաժնի վարիչ։

1998 թվականից մինչև 2007 թվականն աշխատել է ՀՀ Կառավարության աշխատակազմի վարչական մարմինների վարչությունում՝ որպես գլխավոր մասնագետ։

2001 թվականից մինչև 2007 թվականը հանդիսացել է ՀՀ նախագահին առընթեր քաղաքացիության հարցերի հանձնաժողովի անդամ։

2003 թվականից մինչև 2007 թվականը հանդիսացել է Երկակի նշանակության ապրանքների և տեխնոլոգիաների արտահանման վերահսկողության հանձնաժողովի քարտուղար։

2008 թվականից մինչև 2009 թվականն աշխատել է Հարավային քաղաքացիական դատարանի դատավոր։

2009 թվականի փետրվարի 27-ին ՀՀ Նախագահի հրամանագրով նշանակվել է Երևան քաղաքի Արաբկիր և Քանաքեռ-Զեյթուն համայնքերի ընդհանուր իրավասության դատարանի դատավոր:

2010 թվականի հունիսի 17-ին ՀՀ Նախագահի հրամանագրով նշանակվել է Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի նախագահի պաշտոնում։

Հայաստանի Հանրապետության դատարանների նախագահների խորհրդի նախագահի 2018 թվականի հունվարի 25-ի № 02Ա որոշմամբ նշանակվել է Երևան քաղաքի ընդհանուր իրավասության դատարանի նախագահի ժամանակավոր պաշտոնակատար:

2018 թվականի փետրվարի 21-ին ՀՀ Նախագահի ՆՀ-104-Ա հրամանագրով նշանակվել է Երևան քաղաքի ընդհանուր իրավասության դատարանի նախագահ:

 

]]>
«Դոլմամա»-ի սեփականատիրոջ բաց նամակը վարչապետ Նիկոլ Փաշինյանին http://iravaban.net/194509.html Tue, 19 Jun 2018 15:03:04 +0000 http://iravaban.net?p=194509 Read more »]]> Մեծարգո՛ պարոն վարչապետ,
շնորհավորում եմ Ձեզ՝ ժողովրդական, ոչ բռնի հեղափոխության հաղթանակի ու մեզ համազգային նոր հաջողությունների հնարավորություն ընձեռելու համար։ Անսահման երջանկություն եմ ապրում Ձեր ղեկավարությամբ ազգային պատմական այս կարևոր հանգրվանին հասնելու համար։ Արդեն 25 տարի է, ինչ՝ տեղափոխվելով Նյու Յորքից, բնակվում եմ Հայաստանում։ Հաստատվելով հայրենիքում՝ արել եմ ուժերիս ներածը և ներդրել ֆինանսական զգալի միջոցներ՝ ստեղծելով իմ բիզնեսը և իմ համեստ նպաստը բերելով Հայաստանի զարգացմանը։ Կեսդարյա աշխատանքիս և անցած ճանապարհիս ընթացքում ձեռք բերած փորձը թույլ է տալիս ինձ եզրակացնելու, որ երկրում առկա է ու դեռ շարունակվում է մի ապօրինի գործընթաց, որը, վստահաբար, շատ է խոչնդոտելու գործարար համայնքին ձեռք բերել հարկավոր բիզնես մթնոլորտի բարելավման համար վստահություն ։
Այնքան ժամանակ, որ Հայաստանում կգործի «հանրային գերակա շահ» հորջորջվող կողոպուտի տեսակը և սեփականության անձեռնամխելիությունը չի հաստատվի որպես գերակա իրավունք՝ ինձ շատ դժվար կլինի հորդորել կամ աջակցել օտարերկրյա կամ սփյուռքահայ ներդրողին, որ նրանք իրենց միջոցները ներդնեն Հայաստանում: Քանի որ չեմ ունենա դա անելու ո՛չ մարդկային, և ո՛չ էլ բարոյական իրավունք։
Կփորձեմ ավելի մանրամասն բացատրել ու ներկայացնել միտքս։ Ես սննդի նորարար եմ և ռեստորատոր՝ «Դոլմամա» ռեստորանի սեփականատերը։ Վերջին՝ ավելի քան 10 տարիներին, պայքարում եմ «գերակա շահ» կոչված երևույթի դեմ։ Այս ընթացքում արդեն հասցրել եմ պարտվել ինձ պարտադրված ճակատամարտերից մեկում, երբ ինձնից բռնի խլվեց ու ավերվեց Արամի 30 հասցեում գտնվող իմ շենքը (հավանաբար կհիշեք մեծ աղմուկ հանած այդ դեքպը, երբ գիշերն ավազակաբար քանդեցին այն)։ Այդ տարածքը գործող բիզնես էր և ինձ ապահովում էր ստաբիլ եկամուտ: Զուգահեռաբար շարունակում եմ պայքարը մեկ այլ ճակատով՝ պահպանելու ՊՈՒՇԿԻՆ ՓՈՂՈՑԻ ՊԵՏԱԿԱՆՈՐԵՆ ՊԱՏՄԱԿԱՆ ԵՎ ՄՇԱԿՈՒՅԹԱՅԻՆ ԺԱՌԱՆԳՈՒԹՅՈՒՆ ՀԱՆԴԻՍԱՑՈՂ ՇԵՆՔԵՐԸ, որոնց շարքում նաև իմ սեփականություն հանդիսացող «Դոլմամա» ռեստորանն է։ Վերջինս, ի դեպ, արդեն 20 տարեկան է, և մեզ հաջողվել է նվաճել թե՛ հայաստանցիների, և թե՛ զբոսաշրջիկների սերը և ձեռք բերել բարձր հեղինակություն՝ որպես մայրաքաղաքի և երկրի լավագույն ռեստորաններից մեկը։
Այս վերջին ճակատամարտում ես որոշել եմ ՉՊԱՐՏՎԵԼ, քանի որ այն կլինի նաև պարտություն ՄԵՐ ՔԱՂԱՔԻ ԺԱՌԱՆԳՈՒԹՅԱՆ ՊԱՀՊԱՆՄԱՆ ՊԱՅՔԱՐԻ ՀԱՄԱՐ։ Արդեն քանի տարի է դատական ատյաններում պայքարում եմ ինչ որ մասնավոր «Լոկալ Դիվելոփըրզ» ՍՊ ընկերության դեմ, որին, չգիտես ինչու, տրված է քաղաքի կենտրոնի լավագույն տարածքների նկատմամբ «գերակա շահի» իրագործման իրավունք:

Հարգելի՛ պարոն Փաշինյան,
այն խոստումները, որ դուք տվել եք Հայաստանի պոտենցիալ ներդրողներին, հատկապես այն, որ ոչ ոք նրանցից չի գողանա, փայ չի մտնի կամ ուրիշ այլ ոտնձգություններ չի կատարի, հուսով եմ վերաբերում են նաև Հայաստանում արդեն իսկ արված ներդրումներին ու ներդրողներին և նպատակ ունեն, հատկապես, ընդգծելու ևս մեկ անգամ սեփականության իրավունքի անձեռնամխելիությունը։
Պետության համար այդքան անհրաժեշտ ներդրումային ծրագրերի բարենպաստ հարթակ ստեղծելու համար, կարծում եմ պիտի նախաձեռնվի այս օրենքի քննարկումների շարք ոլորտի անմիջական շահառուների հետ։ Լինելով օտարերկրյա ներդրող՝ պատրաստ եմ իմ տարիների փորձը, գիտելիքներն ու կապերը նվիրաբերել այդ կարևորագույն գործին։

Խորին հարգանքով՝
Ժիրայր Ավանյան

]]>
Արարատում ՊՆ «Ուրալ» մակնիշի ավտոմեքենա է շրջվել․ զինծառայողները տեղափոխվել են Վեդու ԲԿ http://iravaban.net/194506.html Tue, 19 Jun 2018 14:35:44 +0000 http://iravaban.net?p=194506 Read more »]]> Արարատի մարզի Լանջանիստի ոլորաններում հունիսի 19-ին պաշտպանության նախարարությանը պատկանող «Ուրալ» մակնիշի ավտոմեքենա է շրջվել: Վիրավոր զինծառայողները տեղափոխվել են Վեդու բժշկական կենտրոն:

Այս մասին տեղեկությունը Իրավաբան.netի հետ զրույում հաստատել ՀՀ պաշտպանության նախարարի մամուլի խոսնակ Արծրուն Հովհաննիսյանը։

«Վթարի հետևանքով վիրավորված զինծառայողները թեթև վնասնվածքներ են ստացել: Նրանք ժամկետային զինծառայողներ են և սպաներ»,-ասաց Արծրուն Հովհաննիսյանը։

Վեդու բժշկական կենտրոնում առաջին օգնություն են ցուցաբերել 5 զինծառայողի: Զինծառայողների  կյանքին վտանգ չի սպառնում։

 

]]>
Անպատժելիությունն այլևս պատմություն է․ ՀՀ ԶՈՒ գլխավոր շտաբի պետ, գեներալ-մայոր Արտակ Դավթյան http://iravaban.net/194496.html Tue, 19 Jun 2018 13:32:33 +0000 http://iravaban.net?p=194496 Read more »]]> ՀՀ զինված ուժերի գլխավոր շտաբի պետ, գեներալ-մայոր Արտակ Դավթյանի հայտարարությունը հայտարարություն է տարածել, որում ասվում է․

«Անպատժելիությունն այլևս պատմություն է:

Մեր երկրում ձևավորված նոր պատմական իրավիճակում ռազմաքաղաքական ղեկավարության արմատական դիրքորոշումն է արդարության և օրինականության գերակայության ապահովումը, կոռուպցիայի, ամենաթողության ու անպատժելիության դեմ անզիջում պայքարը:

Վերջին օրերի աղմկահարույց իրադարձություններն անմասն չթողեցին նաև զինված ուժերը: Նմանօրինակ բացահայտումները ոչ միայն հասարակության շրջանում վստահության բարձրացման նախադրյալ հանդիսացան, այլև ազդակ՝ դրանց բացառման նպատակով սկզբունքային և հետևողական աշխատանքներ տանելու համար:

Վստահեցնում եմ, որ զինված ուժերը՝ հավատարիմ մնալով իր առաքելությանը, հետայսու ևս անշեղորեն կիրականացնի Հայաստանի և Արցախի Հանրապետությունների պաշտպանության, անվտանգության, տարածքային ամբողջականության և սահմանների անձեռնմխելիության ապահովման սահմանադրական գործառույթը՝ օպերատիվ արձագանքելով ու անհաշտ պայքար մղելով անգամ աննշան թվացող իրավախախտումների դեմ, որում ակնկալում ենք նաև հասարակության գործուն աջակցությունը»:

]]>
Արթուր Ասատրյանը 2 ամսով կալանավորվեց. փաստաբան http://iravaban.net/194497.html Tue, 19 Jun 2018 13:24:22 +0000 http://iravaban.net?p=194497 Read more »]]> Քրեական հեղինակություն Արթուր Ասատրյանը (Դոն Պիպո) կալանավորվեց՝ դատարանի որոշմամբ: Այս մասին դատարանից հայտնում է Իրավաբան.net-ի թղթակիցը:

Արթուր Ասատրյանի պաշտպան Գեղամ Հակոբյանը հայտնել է, որ դատարանը բավարարել է նրա հանդեպ որպես խափանման միջոց կալանք ընտրելու միջնորդությունը:

Հիշեցնենք, որ Արթուր Ասատրյանը բերման էր ենթարկվել և ձերբակալվել Ազգային անվտանգության ծառայության կողմից՝ հունիսի 16-ին։

ՀՀ ԱԱԾ քննչական վարչությունում քննվող «Դոն Պիպո» մականունով Արթուր Ասատրյանի կողմից, իր դեմ սպանություն նախապատրաստող անձանց հնարավոր առևանգելու փաստի առթիվ քննվող քրեական գործով խուզարկություններ են իրականացվել Արթուր Ասատրյանին պատկանող առանձնատանը, կից շինություններում, այլ տարածքներում, ինչի  արդյունքում հայտնաբերվել է ապօրինի պահվող զենք և ռազմամթերք: Արթուր Ասատրյանը բերման է ենթարկվել և ձերբակալվել` ՀՀ քրեական օրենսգրքի 131-րդ հոդվածի 1-ին, 2-րդ, 3-րդ և 6-րդ կետերով  («Մի խումբ անձանց կողմից նախնական համաձայնությամբ, առողջության համար վտանգավոր բռնություն գործադրելով, զենքի կամ որպես զենք օգտագործվող առարկաների գործադրմամբ, երեք անձի առևանգումը») և 235-րդ հոդվածի 2-րդ մասով («Մի խումբ անձանց կողմից նախնական համաձայնությամբ հրազեն և ռազմամթերք ապօրինի կերպով ձեռք բերելը և պահելը») նախատեսված հանցագործություն կատարելու կասկածանքով: Նույն քրեական գործով ձերբակալվել են ևս 4 անձինք, ովքեր հանդիսանում են ՌԴ քաղաքացիներ:

Նույն օրը բերման էր ենթարկվել և ձերբակալվել Ազգային ժողովի պատգամավոր Մանվել Գրիգորյանը։

]]>
Երեք զինծառայողի մահվան գործով մեղադրանք է առաջադրվել զորամասի ինժեներական ծառայության պետին http://iravaban.net/194495.html Tue, 19 Jun 2018 13:21:01 +0000 http://iravaban.net?p=194495 Read more »]]> ՀՀ քննչական կոմիտեի զինվորական քննչական գլխավոր վարչության երրորդ կայազորային քննչական բաժնում քննվող քրեական գործով շարունակվում են ձեռնարկվել ակտիվ քննչական և դատավարական այլ միջոցառումներ՝ պարզելու մարտական դիրքում ինժեներական աշխատանքներ կատարելիս երեք զինծառայողների պայթյունաբեկորային մահացու վիրավորումներ ստանալու դեպքի հանգամանքները. մեղադրանք է առաջադրվել զորամասի ինժեներական ծառայության պետին (զորացրվել է 2018թ. փետրվարին):

Ինչպես ավելի վաղ տեղեկացրել ենք, 2017 թվականի նոյեմբերի 21-ին մարտական դիրքում ինժեներական աշխատանքներ կատարելիս, հակատանկային ականի պայթյունի հետևանքով պայթյունաբեկորային մահացու վիրավորումներ են ստացել նույն զորամասի զինծառայողներ՝ լեյտենանտ Գեղամ Կորյունի Զաքարյանը, շարքայիններ Սարգիս Գուրգենի Աբրահամյանը և Սարգիս Մհերի Մելիքյանը, իսկ շարքային Նարեկ Հայկի Հովեյանի առողջությանը՝ պատճառվել ծանր վնաս:

Դեպքի առթիվ Երրորդ կայազորային քննչական բաժնում հարուցված քրեական գործով ձեռնարկված անհրաժեշտ քննչական և օպերատիվ-հետախուզական միջոցառումների արդյունքում պարզվել են դեպքի էական նշանակություն ունեցող մի շարք հանգամանքներ, ենթադրյալ հանցագործություն կատարած անձի ինքնությունը:

Մասնավորապես՝ նախնական քննությամբ փաստական տվյալներ են ձեռք բերվել առ այն, որ ականազերծում և ականապատում իրականացնող աշխատանքային խմբի ղեկավար է նշանակված եղել զորամասի ինժեներական ծառայության պետ Է.Գրիգորյանը՝ կոչումով մայոր, ով ծառայության նկատմամբ դրսևորել է անփույթ վերաբերմունք, չի կատարել իր վրա դրված պարտականությունները, ինչի հետևանքով աշխատանքները մանրակրկիտ պլանավորված և կազմակերպված չեն եղել:

Պարզվել է, որ ինժեներական աշխատանքներն իրականացվել են հանպատրաստից, այդ թվում՝ անձնակազմը չի տիրապետել ականապայթյունային միջոցների նյութական մասին, առաջադրված խնդրի կատարման կարգին, անվտանգության կանոններին և չի ունեցել ականապատման և ականազերծման միջոցների հետ վարվելու գործնական հմտություններ, մարտական վիճակում գտնվող հակատանկային ականները հանվել են ձեռքով` սուր ծայրով բահի միջոցով և տեղափոխվել ձեռքով, ականադաշտի տեղազննում չի իրականացվել, ականադաշտից հանվել են միայն երևացող ականները, հողի մեջ գտնվող ականները մնացել են տեղում, ականորսիչներ, ճանկիչներ և շոշափիչներ չեն օգտագործվել:

Արդյունքում՝ 2017թ. նոյեմբերի 21-ին՝ ժամը 18:35-ի սահմաններում, N զորամասի պահպանության տեղամասի մարտական դիրքում ինժեներական աշխատանքներ կատարելիս, հակատանկային ականի պայթյունի հետևանքով պայթյունաբեկորային մահացու վիրավորումներ են ստացել նույն զորամասի երեք զինծառայող, ևս մեկը՝ վիրավորվել։

Ձեռք բերված բավարար ապացույցների համակցությամբ՝ մայորին մեղադրանք է առաջադրվել ՝ ՀՀ քրեական օրենսգրքի 376-րդ հոդվածի 2-րդ մասով:

Նախաքննությունը շարունակվում է, միջոցներ են ձեռնարկվում դեպքի հանգամանքների օբյեկտիվ, լրիվ և բազմակողմանի քննությունն ապահովելու ուղղությամբ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

]]>
Ազգային հերոս Հովհաննես Չեքիջյանի տանից կատարված գողության դեպքի առթիվ հարուցված քրեական գործի նախաքննությունն ավարտվեց http://iravaban.net/194492.html Tue, 19 Jun 2018 13:19:45 +0000 http://iravaban.net?p=194492 Read more »]]> ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնում ավարտվել է Վահագնի թաղամասում գտնվող մի շարք տներից, այդ թվում՝ մաեստրո Հովհաննես Չեքիջյանի տանից, կատարված հափշտակության դեպքերի առթիվ հարուցված քրեական գործի նախաքննությունը:

2018թ. հունվարի 12-ին` ժամը 23:50-ին, ահազանգ էր ստացվել՝ Վահագնի թաղամասի տներից մեկում կատարված գողության վերաբերյալ:

Ձեռնարկված միջոցառումների արդյունքում պարզվել էր, որ ժամը 22:40-ի սահմաններում ենթադրյալ հանցագործություն կատարած անձը, տեխնիկական միջոցների գործադրմամբ բացելով Երևան քաղաքի Վահագնի թաղամասի տներից մեկի պատուհանը, մուտք է գործել և հափշտակել տարբեր զարդեր:

Դեպքի առթիվ ՀՀ ՔԿ ԵՔՔՎ Աջափնյակ և Դավթաշեն վարչական շրջանների քննչական բաժնում ՀՀ քրեական օրենսգրքի 177-րդ հոդվածի 3-րդ մասի 1.1-րդ կետով հարուցված քրեական գործով ձեռնարկված անհրաժեշտ քննչական և օպերատիվ-որոնողական միջոցառումների արդյունքում պարզվել է ենթադրյալ հանցագործություն կատարած անձի ինքնությունը, ով Վանաձորի բնակիչ է՝ ծնված 1984թ.:

Կատարված բազմակողմանի քննությամբ բացահայտվել է նույն անձի կողմից 2017թ. դեկտեմբեր-հունվար ամիսներին Վահագնի թաղամասում կատարված մի շարք այլ գողություններ, այդ թվում՝ փաստական տվյալներ ձեռք բերվել, որ նրա կողմից է իրականացվել նաև մաեստրո Հովհաննես Չեքիջյանի՝ Վահագնի թաղամասում գտնվող տանից 2017 թվականի նոյեմբերին արձանագրված գողությունը։

2017 թվականի նոյեմբերի 30-ին` ժամը 21:00-ի սահմաններում, վերջինս, տեխնիկական միջոցի գործադրմամբ բացելով Հովհաննես Չեքիջյանին պատկանող առանձնատան խոհանոցի մուտքի դուռը, ապօրինի մուտք է գործել ներս և բնակարանի հյուրասենյակից հափշտակել հուշամեդալներ, շքանշաններ, սրբապատկերներ և այլ իրեր, որոնց մի մասը հայտնաբերվել է կասկածյալի բնակարանում կատարված խուզարկության արդյունքում, մի մասն էլ՝ գնորդների բնակարանում։

Մինչդատական վարույթում ձեռք բերված ապացույցների հիման վրա՝ 34-ամյա վանաձորցի տղամարդուն մեղադրանք է առաջադրվել՝ ՀՀ քրեական օրենսգրքի 34-177-րդ հոդվածի 3-րդ մասի 1.1 կետով (մեկ դրվագ), ՀՀ քրեական օրենսգրքի 177-րդ հոդվածի 3-րդ մասի 1.1 կետով (երկու դրվագ), ՀՀ քրեական օրենսգրքի 177-րդ հոդվածի 3-րդ մասի 1-ին և 1.1 կետով (մեկ դրվագ) և ՀՀ քրեական օրենսգրքի 177-րդ հոդվածի 2-րդ մասի 3-րդ կետով (մեկ դրվագ): Նրա նկատմամբ որպես խափանման միջոց է կիրառվել կալանավորումը:

Քրեական գործը՝մեղադրական եզրակացությամբ, ուղարկվել է քրեական գործի նախաքննության նկատմամբ հսկողություն իրականացնող դատախազին:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

]]>