iravaban.net http://iravaban.net Tue, 23 May 2017 19:12:48 +0000 hy-AM hourly 1 Էլեկտրաէներգիայի անջատումներ՝ մի շարք տարածքներում http://iravaban.net/161617.html Tue, 23 May 2017 19:12:48 +0000 http://iravaban.net/?p=161617 Read more »]]> «Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ս/թ մայիսի 24-ին` պլանային և վերանորոգման աշխատանքներ իրականացնելու նպատակով, հետագայում վթարներից խուսափելու համար կհոսանքազրկվեն`

Երևան քաղաքի՝

10:00-15:00 Սևան փողոցի սեփական տները,

10:00-16:00 Լենինգրադյան փ. 31Բ և 31/1 շենքերը, Շերամի փ. 1, 3, 5, 9, 11, 13, 15, 17 19, 21, շենքերը, «Նոյ» թաղամասը, Նար Դոսի փ. 1 շենքը և 2-րդ փողոցը (13-15 բն.), Զավարյան փ. 2, 6, Տիգրան Մեծի պող. 18, 20, 32/1, Խորենացի փ. 30 շենքերը, Խորենացի 2-րդ նրբ. 1-50 սեփական տները, Մուրացան փ. 4-36, Նեկրասովի փ. 3-33 սեփական տները, Ս.Դավիթի փ. 13 շենքը և 25-43 սեփական տները, Բեռնակիրների փ. 38-85 սեփական տները, Արշակունյաց պող. 26 շենքը և 13, 25 սեփական տները, Արշակունյաց 1-ին նրբանցքի սեփական տները, Արշակունյաց 2-րդ նրբ. 1, 3, 4-40, 24, 33-43, 49Ա սեփական տները, «Սիլ Գրուպ» ՓԲ ընկերությունը,

10:30-16:30 Թումանյան փ. 64, 64ա, Մոսկովյան փ. 31, 33, Սպենդիարյան փ. 1, 3, 5 շենքերը և հարակից հանրային բաժանորդները, Սարի թաղի 18փ. 33-86; 28փ. 1-39; 28-րդ նրբանցքի 2-17 և 2-10 շարքերի սեփական տները և հարակից հանրային բաժանորդները, Սարի թաղի 6-21 փողոցներ մասնակի և հարակից հանրային բաժանորդներ, Նոր-Նորքի 2-րդ զանգ.՝ Մոլդովական փ. 50, 50/1, 50/2, 50/4, 50/5, 54, 56, 58 շենքերը և հարակից հանրային բաժանորդները,

11:00-13:00 Կոմիտասի պող. 24/1, Վ.Վաղարշյան փ. 18, 18Ա շենքերը, Հր.Քոչարի փ. 17, 19 շենքերը և հարակից հանրային բաժանորդները, Պ.Սևակի փ. 1/1, 1/2, 1/3, 1/4 շենքերը և հարակից հանրային բաժանորդները,

Արմավիրի մարզի՝

11:00-17:00 Հուշակերտ և Նոր Ամասիա գյուղերը,

Արարատի մարզի՝

10։00-12։00 Մասիս քաղաքի Հանրապետության փ. 17, 18 շենքերը, Ջրահովիտ գյուղը մասնակի, Եղեգնավան, Լուսառատ գյուղերը և հարակից հանրային բաժանորդները,

10։00-14։00 Նոր Կյանք և Արարատ գյուղերը մասնակի,

10։30-16։00 Ազատավան գյուղը մասնակի,

12։00-14։00 Նոյակերտ գյուղը և հարակից հանրային բաժանորդները,

14։30-16։00 Ոսկու կորզման ֆաբրիկայի բանավանի 10/7 շենքը,

Վայոց Ձորի մարզի՝

10։00-16։00 Մարտիրոս գյուղը մասնակի, Շատին, Քարագլուխ, Աղնջաձոր, Թառաթումբ, Հորս և Սալլի գյուղերը մասնակի,

11։00-15։30 Մալիշկա գյուղը,

Կոտայքի մարզի՝

10։30-13։00 Չարենցավան քաղաքի 3-րդ թաղ. 12-21, 31-41, 4-րդ թաղ. 7-24, 6-րդ թաղ. 1-4, 13-29, 7-րդ թաղ. 1-14, 18-25 շենքերը, Կուլտուրայի պալատը, թիվ 3, 4, 5 դպրոցները, Քաղաքապետարանը, Ներքին գործերի բաժանմունքը, «Կապի» հանգույցը, «Ծիծեռնակ» մսուր-մանկապարտեզը, «Կոնվերսբանկ» ընկերության մասնաճյուղը, հարակից արտադրական ձեռնարկությունները և հանրային բաժանորդները,

13։30-17։00 Չարենցավան քաղաքի 1Ա թաղ. 1-4; 1-ին թաղ. 1-11, 2-րդ թաղ. 1-14, 3-րդ թաղ. 1-11, 23-34, 4-րդ թաղ. 1-6, 11, 12, 25, 5-րդ թաղ. 1-18, 6-րդ թաղ. 5-12, 30-33, 7-րդ թաղ. 16-19, 8-րդ թաղ. 1-17, 9-րդ թաղ. 1-4, 10-րդ թաղ. 36, 46 շենքերը, «Քոթեջները», «Արդշինինվեստբանկ» ընկերության մասնաճյուղը, Երաժշտական դպրոցը, «Այգեստան» թաղամասը, «Առաքելություն Հայաստանի» ճաշարանը, թիվ 1, 2, 6 դպրոցները, «Զանգակ», «Հրաշք», «Հեքիաթ», «Լուսաբաց» մսուր-մանկապարտեզները, «ԱրմենՏել», «Վիվասել ՄՏՍ» և «Յուքոմ» բջջային կայանները, հարակից արտադրական ձեռնարկությունները և հանրային բաժանորդները,

Գեղարքունիքի մարզի՝

10:30-13:00 Ծաղկաշեն գյուղը,

Շիրակի մարզի՝

11:00-17:00 Գյումրի քաղաքի Շիրակացի փողոցը մասնակի. Շիրակացի փ. 87 շենքը, Ազգային անվտանգության ծառայության շենքը իր հարակից տարածքներով, Ինֆեկցիոն հիվանդանոցը, Ոստիկանության «Մուշ» բաժինը, Քննչական վարչությունը, Մնջոյան փողոցի սեփական տները, Շիրակացի-Դուդկոյի փողոցների հարակից տարածքները և զինվորական զորամասը,

Լոռու մարզի՝

11:00-15:00 Մեծավան գյուղը մասնակի,

11:00-17:00 Շիրակամուտ, Նոր Պառնի և Սարալանջ գյուղերը:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել Երևան քաղաքի բնակիչները 1-80 և 0 8000 0 180 և մարզերի բնակիչները 0 8000 0 180 շուրջօրյա գործող հեռախոսահամարներով:

Իրավաբան.net

]]>
Զովունիում ցուլը փախել է անասնագոմից և հարձակվել քաղաքացիների վրա http://iravaban.net/161640.html Tue, 23 May 2017 18:20:22 +0000 http://iravaban.net/?p=161640 Մայիսի 23-ին, ժամը 18:55-ին ահազանգ է ստացվել, որ Կոտայքի մարզի Զովունի գյուղում ցուլը փախել է անասնագոմից և հարձակվել քաղաքացիների վրա. անհրաժեշտ է փրկարարների օգնությունը:

Դեպքի վայր է մեկնել Ճգնաժամային կառավարման ազգային կենտրոնի օպերատիվ խումբը և հատուկ նշանակության փրկարարական աշխատանքների իրականացման կենտրոնի փրկարարական ջոկատը:

Փրկարարները պարաններով կապել են ցլին և տեղափոխել անասնագոմ:

Իրավաբան.net  

]]>
Հնարավո՞ր է արդյոք բնակչության պետական ռեգիստրում հաշվառման դիմում ներկայացնել լիազորված անձի միջոցով http://iravaban.net/161637.html Tue, 23 May 2017 16:39:28 +0000 http://iravaban.net/?p=161637 Read more »]]> 16 տարին լրացած անձը բնակչության պետական ռեգիստրում հաշվառվելու համար դիմումն անձամբ կամ լիազորված անձի միջոցով ներկայացնում է ըստ բնակության վայրի անձնագրային ծառայություն: Ընդ որում, լիազորագրի համար նոտարական վավերացում չի պահանջվում. այն կարող է լինել նաև հասարակ գրավոր ձևով:

Այս մասին իրազեկում է ՀՀ ոստիկանության անձնագրային և վիզաների վարչության պետ Մնացական Բիչախչյանը:

Անհրաժեշտ է նշել նաև, որ բնակության վայրի փոփոխության դեպքում, նոր բնակության վայրով հաշվառվելու դեպքում անհրաժեշտությունը բացակայում է ներկայանալ նախկին բնակության վայրի անձնագրային ծառայություն. գործընթացն իրականացվում է մեկ պատուհանի սկզբունքով՝ նոր բնակության վայրի անձնագրային ծառայությունը անձին հաշվառելիս հանում է նախկին հաշվառման հասցեից էլեկտրոնային եղանակով:

Լիազորված անձի միջոցով հաշվառվող անձինք պետք է իմանան նաև հետևյալի մասին: Եթե հաշվառվելիս չի ներկայացվում սեփականության կամ օգտագործման իրավունքի վկայական կամ սեփականատիրոջ համաձայնություն, այլ գործընթացը կազմակերպում է ոստիկանության կողմից բնակության փաստը ստուգվելու միջոցով, ստուգման արդյունքում բնակության փաստը ժխտվելու դեպքում հաշվառման դիմումը մերժվում է:

Իրավաբան.net  

]]>
Մոր կողմից նորածին երեխային սպանելու դեպքի առթիվ քրեական գործ է հարուցվել http://iravaban.net/161636.html Tue, 23 May 2017 16:31:59 +0000 http://iravaban.net/?p=161636 Read more »]]> ՀՀ քննչական կոմիտեի Կոտայքի մարզային քննչական վարչությունում հարուցվել է քրեական գործ՝ մոր կողմից նորածին երեխային սպանելու դեպքի առթիվ։

Ավելի վաղ տեղեկացրել ենք, որ 2017թ. մայիսի 15-ին Հրազդան քաղաքի Շահումյան փողոցի թիվ 10 հասցեում գտնվող կանաչապատ հատվածում՝ խոտերի վրա՝ թղթե արկղի մեջ, հայտնաբերվել է արական սեռի նորածին երեխայի դիակ՝ պոլիէթիլենային պարկով փաթաթված:

Կոտայքի մարզային քննչական վարչությունում անմիջապես քննություն է սկսվել՝ պարզելու երեխայի մահվան հանգամանքները, նշանակվել դատաբժշկական փորձաքննություն։

Հանձնարարություն տրվել ոստիկանության ստորաբաժանումներին ձեռնարկել անհրաժեշտ միջոցառումներ՝ նորածնի մոր, ինչպես նաև փոքրիկի մարմինը նշված տարածք տեղափոխած անձի (անձանց) ինքնությունը պարզելու ուղղությամբ։

Քննությամբ պարզվել է նորածնի մոր ինքնությունը, ով Հրազդան քաղաքի բնակչուհի է, երկու անչափահաս երեխաների մայր։ Ձեռք բերված փաստական տվյալների համաձայն՝  փոքրիկը ծնվել է մայիսի 11-ին՝ տանը, ինչից հետո մայրը նորածնին թողել է լոգարանում՝ առանց խնամքի և կերակրելու։

Կոտայքի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 106-րդ հոդվածի հատկանիշներով։ Նորածնի մայրը հարցաքննվել է՝ որպես կասկածյալ։

Նախաքննությունը շարունակվում է, կատարվում են անհրաժեշտ քննչական գործողություններ՝ ձեռք բերված նախնական տվյալները, նորածնի մոր հայտնած հանգամանքներն ստուգելու ուղղությամբ։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Իրավաբան.net  

]]>
«Վերջին զանգի» օրը ոստիկանությունը ողջ ծավալով ապահովելու է հասարակական կարգը http://iravaban.net/161635.html Tue, 23 May 2017 16:27:34 +0000 http://iravaban.net/?p=161635 Read more »]]> Եվս մի քանի օր՝ ու մեր ավագ դպրոցներում կհնչի «Վերջին զանգը»՝ խորհրդանշելով երեկվա դպրոցականների մուտքը մեծ կյանք և հիշեցնելով, որ սա բոլորիս տոնն է, ու տոնականությունը պիտի պահպանվի հանրային պատասխանատվությամբ:
Ոստիկանւթյունը մեծ բաժին ունի այդ գործում և ողջ ծավալով ապահովելու է հասարակական կարգը, պահպանելու է տոնական հանդիսությունների մասնակիցների և քաղաքացիների անվտանգությունն ու իրավունքները:
Արդեն կայացած ավանդույթի համաձայն՝ այս օրերին ճանապարհային և համայնքային ոստիկանության ծառայողները, անչափահասների գործերով տեսուչները հանդիպումներ են անցկացնում մանկավարժների, ծնողների, աշակերտների հետ, կրկին հիշեցնում տոնին հասարակական կարգը, երթևեկության անվտանգությունը, փոխհանդուրժողականության կանոնները պահպանելու անհրաժեշտության մասին:
Մեր համաքաղաքացիներին կոչելով բարձր իրավագիտակցության՝ ոստիկանությունը դիմում է հատկապես ծնողներին. տրանսպորտային միջոցներ մի տրամադրեք անչափահասներին, հարկ եղած դեպքում դուք վարեք մեքենան, զանգվածային միջոցառումների ժամանակ համագործակցեք ուսուցիչների, ոստիկանության ծառայողների, տեղական ինքնակառավարման մարմինների ներկայացուցիչների հետ:  
Շրջանավարտներին կոչ ենք անում ձեռնպահ մնալ ավտոմեքենա վարելու արկածախնդրությունից, հասարակական վայրերում հարգալից լինել միմյանց ու հանրության հանդեպ, տոնական հրավառություն կազմակերպել միայն օրենքով սահմանված կարգով, կատարել ոստիկանության ծառայողների օրինական պահանջները:
Տոնական օրվա առավոտից ոստիկանության ստորաբաժանումները ուժեղացված ծառայություն են իրականացնելու զանգվածային միջոցառումների վայրերում:
Արվելու է ամեն ինչ հասարակական կարգն ու քաղաքացիների անվտանգությունն ապահովելու համար: Որևէ ներողամտություն չի ցուցաբերվելու օրինազանցության նկատմամբ: Դրսևորելով օրինաչափ խստություն, անհանդուրժողականություն ու պահանջկոտություն՝ հասարակական կարգի խախտումները կանխվելու են տեղում, օրինազանցների ավտոմեքենաները տեղափոխվելու են հատուկ պահպանվող տարածք, իրավախախտները ենթարկվելու են պատասխանատվության:
Ակնկալելով հանրության ըմբռնումն ու աջակցությունը՝ կրկին կոչ ենք անում մեր համաքաղաքացիներին՝ միասնաբար անենք առավելագույնը մեր երեխաների տոնը թեկուզ չնչին միջադեպով չմթագնելու համար:
ՀՀ ոստիկանություն
]]>
Միհրան Պողոսյանը «ZAZ» մակնիշի ավտոմեքենայով 153կմ/ժ արագությամբ ընթացել է Սևան-Երևան ավտոճանապարհով և տուգանվել http://iravaban.net/161606.html Tue, 23 May 2017 16:25:43 +0000 http://iravaban.net/?p=161606 Արզգային ժողովի պատգամավոր Միհրան Պողոսյանը «ZAZ» մակնիշի ավտոմեքենայով 2015 թվականի ապրիլի 4-ին՝ 18։57-ին 153կմ/ժ արագությամբ ընթացել է Սևան-Երևան ավտոճանապարհով․ արագաչափը ֆիքսել է արագությունը։

Սա ոչ թե հումոր է, այլ հատված դատական գործից, որը դատարանները քննում են արդեն երկու տարի։

Տուգանքը ստանալուց հետո պարոն Պողոսյանն այն չի մուծել, իսկ ՀՀ Ճանապարհային ոստիկանությունը 09.09.2015 թվականին հայցադիմում է ներկայացրել ՀՀ վարչական դատարան՝ ընդդեմ պատգամավորի։

Հայցվորը, դիմելով դատարան, հայտնել է, որ պատասխանողը ճանապարհային ոստիկանության 16.04.2015թ. որոշմամբ ՀՀ ՎԻՎ օրենսգրքի 124․4-րդ հոդվածի 4-րդ մասի համաձայն ենթարկվել է վարչական տույժի 200 հազար ՀՀ դրամի չափով՝ «ZAZ» մակնիշի 55 UL 333 համարանիշի տրանսպորտային միջոցի վարորդ 04.04.2015 թվականին՝ ժամը 18։57-ին, Սևան-Երևան ավտոճանապարհին 153կմ/ժ արագությամբ երթևեկելու համար։

ՃՈ-ն խնդրել է պատասխանողից ՀՀ ոստիկանության ՃՈ հաշվին վճարելու համար բռնագանձել 300 հազար ՀՀ դրամ գումար՝ ներառյալ ավելացված տույժերը։

Դատավոր Արման Թովմասյան

Միաժամանակ ներկայացված հայցադիմումով խնդրել է բաց թողնված դատավարական ժամկետը համարել հարգելի։

30.09.2015 թվականին Դատարանը որոշում է կայացրել բաց թողնված դատավարական ժամկետը հարգելի համարելու և հայցադիմումը վարույթ ընդունելու մասին։

Դատարանը փաստարկված է համարել հայցը և գտել, որ ներկայացված հայցը հիմնավոր է և ենթակա է բավարարման, ուստիև պատասխանողից հօգուտ ՀՀ ոստիկանության «Ճանապարհային ոստիկանություն» ծառայության պետք է բռնագանձել 300.000 ՀՀ դրամ և 6.000 ՀՀ դրամ` որպես նախապես վճարված պետական տուրքի գումար։

Վճիռը կայացրել է երիտասարդ դատավոր Արման Թովմասյանը։

2015թ․-ին Միհրան Պողոսյանը դեռևս զբաղեցնում էր ՀՀ ԱՆ հարկադիր կատարման ծառայության պետի պաշտոնը։

Թեև «ZAZ»-ը հայ հանրությանը հայտնի է «Զապ» կամ «Զապորոժեց» կոչվող մոդելներով, սակայն ներկայումս ուկրաինական ընկերութունը արտահանում է նոր մոդելի ավտոմեքենաներ, որոնցից մի քանիսը ներկրվել են Հայաստան, օրինակ՝ «ZAZ-Tavria»-ն։ Թե կոնկրետ ինչ մեքենա է վարել Միհրան Պողոսյանը, նշված չէ դատական ակտերից ոչ մեկում, չի բացառվում՝ ձևափոխված «Զապորոժեց» լինի, քանի որ գործարանային արտադրության «Զապորոժեց»-ը արագությունը 121 կմ/ժ-ից ավելի չի կարող գերազանցել։

Վարչական դատարանի վճռի կայացումից հետո Միհրան Պողոսյանի փաստաբանական թիմը կանգ չի առել, նրանք բողոք են ներկայացրել ՀՀ վարչական վերաքննիչ դատարան, դատարանը որոշել է վերաքննիչ բողոքը վերադարձնել՝ նշելով, որ այն կարող է բողոքարկվել 5-օրյա ժամկետում։

Դատավոր Արթուր Առաքելյան

Վարչական ակտն ամբողջությամբ անվավեր ճանաչելու մասին երկրորդ բողոքը կրկին քննել է նույն կազմը՝ Արթուր Առաքելյանի նախագահությամբ։

Այսօր՝ մայիսի 23-ին դատարանը հրապարակեց որոշումը՝ բավարարելով այն մասնակի, բեկանեց Վարչական դատարանի վճիռն ու կարճեց գործի վարույթը․ «Որպես բողոք բերելու համար նախապես վճարված պետական տուրքի գումար ՀՀ ոստիկանության ՃՈ-ից հօգուտ Միհրան Պողոսյանի բռնագանձել 9000 ՀՀ դրամ, ավելի վճարված 1000 դրամը վերադարձնելով Միհրան Պողոսյանի»,- որոշումը հրապարակեց դատավոր Արթուր Առաքելյանը։

Միհրան Պողոսյանը «3» թվերի սիրահար է՝ դատելով նրա մեքենաների համարանիշներից, պատահական չէ, որ «ZAZ»-ն ունի ոչ սովորական համարանիշ՝ «55 UL 333»։ ԱԺ պատգամավորը և կինը վարում են կամ նախկինում են վարել «Ռենջ Ռովեր» մակնիշի ավտոմեքենաներ, առաջինի համարանիշը՝ «333 AA 33» է, երկրորդինը՝ «33 OO 333»։ Այս մասին մի քանի անգամ գրել է մամուլը։

Միհրան Պողոսյանն իր առաջին հայտարարագիրը ներկայացրել է 2014թ․-ին՝ հիշատակելով միայն «RANGE ROVER SPORT Supercharged 4.2» մակնիշի ավտոմեքենայի վաճառքի վերաբերյալ, ո՛չ 2014թ, ո՛չ էլ հետագա տարիների հայտարարագրում Պողոսյանը չի նշել «ZAZ» մակնիշի ավտոմեքենայի առկայության մասին։

Գևորգ Թոսունյան

Իրավաբան.net

]]>
Եվրոյի փոխարժեքը շարունակում է բարձրանալ http://iravaban.net/161615.html Tue, 23 May 2017 15:29:20 +0000 http://iravaban.net/?p=161615 ՀՀ Կենտրոնական բանկից Իրավաբան.net-ը տեղեկանում է, որ մայիսի 23-ի տվյալներով հաստատված տարադրամի փոխարժեքներ են. ԱՄՆ 1 դոլարի փոխարժեքը 482.59, այն նվազել է 0.30 դրամով, եվրոյի փոխարժեքը բարձրացել է 1.98 դրամով՝ դառնալով՝ 543.30 դրամ, ռուբլու փոխարժեքը նվազել է 0.01 դրամով, դառնալով՝ 8.53–դրամ:

Իրավաբան.net

 

]]>
Նորույթ Ճանապարհային ոստիկանությունից http://iravaban.net/161622.html Tue, 23 May 2017 14:41:41 +0000 http://iravaban.net/?p=161622 Ճանապարհային ոստիկանությունը տեղեկացնում է, որ 2017 թվականի մայիսի 24-ից գործարկվելու է Ճանապարհային ոստիկանության տեսանկարահանող կամ լուսանկարահանող սարքերով արձանագրված իրավախախտումների գործերով կայացված որոշումների վերաբերյալ ծանուցումները կարճ (SMS) հաղորդագրությունների միջոցով ստանալու համակարգը:

Հաղորդագրություններ ստանալու համար անձը պետք է նշված համակարգում գրանցի այն բջջային հեռախոսահամարը, որին հետագայում ցանկանում է ստանալ այդ ծանուցումները:

Հեռախոսահամարը համակարգում գրանցելու համար անհրաժեշտ է տվյալ հեռախոսահամարից տրանսպորտային միջոցի հաշվառման վկայագրի սերիա-համարը և հաշվառման համարանիշը (օրինակ՝ LZ999999,12YY345 կամ LZ999999,345YY12) պարունակող բովանդակությամբ SMS հաղորդագրություն ուղարկել 1041 կարճ հեռախոսահամարին:

Եթե ուղարկված տվյալները ճիշտ են և հաշվառման վկայագրի սերիա-համար և հաշվառման համարանիշ տվյալների զույգն իրականում առկա է Ճանապարհային ոստիկանության էլեկտրոնային ռեգիստրում, ապա անձը կստանա պատասխան SMS հաղորդագրություն այն մասին, որ նշված տրանսպորտային միջոցով կատարված իրավախախտումների գործերով կայացված որոշումների վերաբերյալ ծանուցումները կուղարկվեն կարճ (SMS) հաղորդագրության միջոցով:

Անձը հնարավորություն ունի հեռացնելու արդեն իսկ գրանցված հեռախոսահամարը՝ «Stop» բառը և տվյալների նույն զույգը (տրանսպորտային միջոցի հաշվառման վկայագրի սերիա-համարը և հաշվառման համարանիշը) ուղարկելով 1041 համարին հետևյալ ձևաչափով՝ StopTT000000,000YY00:
Եթե ուղարկված տվյալները ճիշտ չեն և հաշվառման վկայագրի սերիա-համար և հաշվառման համարանիշ տվյալների զույգն առկա չէ Ճանապարհային ոստիկանության էլեկտրոնային ռեգիստրում, ապա անձը կստանա համապատասխան բովանդակությամբ պատասխան SMS հաղորդագրություն:
Հեռախոսահամարը համակարգում գրանցելու 1 կարճ (SMS) հաղորդագրության արժեքը 50 ՀՀ դրամ է (ներառյալ ԱԱՀ), իսկ որոշումների վերաբերյալ ծանուցումներն ստանալը՝ անվճար:

ՀՀ ճանապարհային ոստիկանություն

Իրավաբան․net

]]>
Ոստիկանները հայտնաբերել են նորածնի դին փողոցում թողած կնոջը http://iravaban.net/161616.html Tue, 23 May 2017 14:00:41 +0000 http://iravaban.net/?p=161616 Read more »]]> Մայիսի 15-ին, ժամը 15:10-ի սահմաններում, Հրազդան քաղաքի Շահումյան փողոցի 10 հասցեում գտնվող գազաֆիկացման և գազամատակարարման մասնաճյուղի դիմաց, կանաչապատ հատվածում, թղթե արկղի մեջ, պոլիէթիլենային տոպրակով փաթեթավորված, հայտնաբերվել է նորածին երեխայի դի:
Դեպքի առթիվ 15.05.2017թ. ՀՀ ՔԿ Կոտայքի մարգային քննչակա վարչությունում նախապատրաստվել են նյութեր:
Նշանակվել է դատաբժշկական փորձաքննություն:
Ոստիկանության ծառայողների ձեռնարկած միջոցառումների արդյունքում՝ մայիսի 23-ին ոստիկանության Հրազդանի բաժին բերման է ենթարկվել Հրազդան քաղաքի բնակչուհի, 1977 թ. ծնված Լ. Մ.-ն: Նա խոստովանել է, որ 2017 թվականի մայիսի 11-ի առավոտյան իրենց բնակարանի զուգարանում, առանց բժշկական միջամտության, ծննդաբերել է արական սեռի երեխա, որը ճիչ արձակելուց հետո մահացել է: Ինքը նույն օրը նորածնի դին պոլիէթիլենային տոպրակով փաթեթավորել և դրել է թղթե արկղի մեջ, որից հետո այն տեղափոխել է Հրազդան քաղաքի Շահումյան փողոցին հարակից անտառային կանաչապատ տարածք ու դնելով խոտերի մեջ՝ հեռացել է:
Լ. Մ.-ն ներկայացվել է ՀՀ ՔԿ Կոտայքի մարգային քննչական վարչություն:

Իրավաբան.net

]]>
ՀՀ ՊՆ Մոնթե Մելքոնյանի անվան ռազմամարզական վարժարանը հայտարարում է ընդունելություն http://iravaban.net/161608.html Tue, 23 May 2017 13:36:46 +0000 http://iravaban.net/?p=161608 Read more »]]> ՀՀ պաշտպանության նախարարության Մոնթե Մելքոնյանի անվան ռազմամարզական վարժարանը հայտարարում է ավագ դպրոցի 10, 11 և 12-րդ դասարանների համար ընդունելություն։ Կրթությունը ռազմամարզական վարժարանում իրականացվելու է «Այբ» կրթական հիմնադրամի հետ համագործակցությամբ՝ միջազգայնորեն ճանաչված «Արարատյան բակալավրիատ» հայալեզու կրթական ծրագրով:
2017 թվականից Դիլիջան քաղաք տեղափոխված Մոնթե Մելքոնյանի անվան ռազմամարզական վարժարանում ստեղծված են ամբողջովին նոր, միջազգային ամենաբարձր չափանիշներին համապատասխանող հրաշալի պայմաններ ուսումնառության և ազատ ժամանցի համար։ Ռազմամարզական վարժարանի սաները, մասնավորապես, տեղավորվելու են 3-4 հոգանոց, ջեռուցվող, օդափոխվող, առանձին լոգասենյակներով հարմարավետ սենյակներում։ Վարժարանում գործում են ժամանակակից վարժասարքերով հագեցած մարզադահլիճներ, լողավազան, ֆուտբոլի, բասկետբոլի և մեծ թենիսի խաղահրապարակներ։

Վարժարանի բարձրակարգ ճաշարանում մատուցվելու է որակյալ սնունդ։ Վարժարանը հոգում է սաների կեցության, սննդի և հագուստի ծախսերը։ Ուսումնական շաբաթը երկուշաբթիից-ուրբաթ է։ Հանգստյան օրերին սաները կարող են մեկնել տուն կամ մնալ վարժարանում։
Վարժարան ընդունվել ցանկացող պատանիները մայիսի 10-ից հունիսի 26-ը պետք է ներկայացնեն դիմում ՀՀ պաշտպանության նախարարությունում։ Այն կարելի է ներկայացնել նաև առցանց՝ ներբեռնելով դիմումի օրինակը, լրացնելով այն և ուղարկելով pn.monte@mil.am էլեկտրոնային հասցեին։
(ՆԵՐԲԵՌՆԵԼ ԴԻՄՈՒՄԻ ՕՐԻՆԱԿԸ)
ՀՀ ՊՆ Մ. Մելքոնյանի անվան ռազմամարզական վարժարանի ընդունելության համար անհրաժեշտ են հետևյալ փաստաթղթերը.
1. Դիմում (ծնողի և դիմորդի կողմից, լրացվում է առցանց կամ ՀՀ պաշտպանության նախարարությունում, հասցե՝ ք. Երևան, Բագրևանդի 5),
2. Տեղեկանք հոգեբուժական և նարկոլոգիական դիսպանսերներից (ներկայացվում է անձամբ, հաշվառման պոլիկլինիկայից),
3. Ձև 63 և 26 (կնքված, հաշվառման պոլիկլինիկայից),
4. Ինքնակենսագրություն (դիմորդի ձեռագրով),
5. 9-ամյա կրթության վկայականը և պատճենը, (10-րդ և 11-րդ դասարանցիները նաև գնահատականների ամփոփագիրը)
6. Ծննդյան վկայականը և պատճենը,
7. 3×4 չափսի 4 լուսանկար (առանց գլխարկի),
9. Բժշկական զննում և հետազոտություն, անհրաժեշտ փաստաթղթեր (իրականացվում և տրվում է ՀՀ ՊՆ համապատասխան բժշկական հաստատությունում).
Ընդունելության քննություններ հանձնելուց առաջ դիմորդներն անցնում են բժշկական զննում և հետազոտություն, որն ԱՆՎՃԱՐ է։ Բժշկական զննման և հետազոտության արդյունքներով ոչ պիտանի ճանաչված դիմորդները չեն կարող մասնակցել ընդունելության քննություններին: Դիմորդների բժշկական զննումը և հետազոտությունը կազմակերպում է ՀՀպաշտպանության նախարարությունը 2017թ. հունիսի 27-ից 30-ը:
Ֆիզիկական պատրաստության քննությունը կազմակերպվելու է ՀՀ պաշտպանության նախարարության կողմից և անցկացվելու է 2017թ. հուլիսի 1-ից 7-ը ընկած ժամանակահատվածում:
Առարկայական ընդունելության քննություններն անցկացվում են մրցութային կարգով, հետևյալ առարկաներից.
• Հայոց լեզու
• Մաթեմատիկա
Առարկայական քննությունները կազմակերպում և անցկացնում է «Այբ» կրթական հիմնադրամը հուլիսի 8-ից 10-ը ընկած ժամանակահատվածում՝ «Այբ» դպրոցում, հասցե՝ ք. Երևան, Թբիլիսյան խճուղի 11/11:
Առարկայական քննությունները ավարտելուց հետո՝ հուլիսի 12-ից 17-ը ընկած ժամանակահատվածում, հանձնաժողովը դիմորդի հետ անցկացնում է հարցազրույց։
ՀՀ ՊՆ Մոնթե Մելքոնյանի անվան ռազմամարզական վարժարանի ընդունելությունն ամփոփվում է ընդունող հանձնաժողովի կողմից հուլիսի 18-ից մինչև հուլիսի 28-ը ընկած ժամանակահատվածում:
ՀՀ ՊՆ Մոնթե Մելքոնյանի անվան ռազմամարզական վարժարանի ընդունելության հետ կապված լրացուցիչ տեղեկատվություն (անհրաժեշտ փաստաթղթեր, տեղ, ժամ) հայտնում է ՀՀ պաշտպանության նախարարությունում տեղակայված ընդունող հանձնաժողովի ներկայացուցիչը՝ հեռախոսով, էլ. կայքի միջոցով։

Հասցե՝ ք. Երևան, Բագրևանդի 5
Էլ. հասցե՝pn.monte@mil.am
Հեռ.՝ /010/ 29 – 43 – 90, կամ թեժ գիծ՝ 1-28

Իրավաբան.net

]]>