iravaban.net https://iravaban.net Mon, 10 Feb 2025 13:14:23 +0000 hy-AM hourly 1 Բացահայտվել է բնակարանային գողության դեպք https://iravaban.net/510482.html Mon, 10 Feb 2025 13:14:23 +0000 https://iravaban.net/?p=510482 Read more »]]> Փետրվարի 6-ին ՆԳՆ ոստիկանության Կոտայքի մարզի օպերատիվ կառավարման կենտրոն զանգած 36-ամյա կինը հայտնել էր, որ հունվարի 30-ից փետրվարի 6-ն ընկած ժամանակահատվածում մուտք են գործել Արա գյուղի 1-ին փողոցում գտնվող իր տուն և գողացել փող ու ոսկյա զարդեր, հայտնում են ոստիկանությունից։

Նախաձեռնվել էր քրեական վարույթ։

Կոտայքի մարզի քրեական ոստիկանների ձեռնարկած օպերատիվ-հետախուզական միջոցառումների շնորհիվ պարզվել է, որ գողությունը կատարել է 24-ամյա երիտասարդը։ Նա Վեդի քաղաքում հայտնաբերվել և ներկայացվել է վարույթն իրականացնող մարմին, որտեղ ներկայացրել է գողոնի մի մասը՝ 3 միլիոն 810 հազար դրամ, 50 հազար ռուբլի, 650 դոլար և ոսկյա զարդեր:

Ձեռնարկվում են միջոցառումներ՝ գողոնի մյուս մասը հայտնաբերելու ուղղությամբ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

]]> Մալաթիա-Սեբաստիայի «Հաղթանակ» թաղամասի բնակիչները տասնամյակներ շարունակ սպասել են իրենց հողերի սեփականության իրավունքի հարցի լուծմանը․ Հայկ Կոստանյան https://iravaban.net/510479.html Mon, 10 Feb 2025 12:00:55 +0000 https://iravaban.net/?p=510479 Read more »]]> Մալաթիա-Սեբաստիայի «Հաղթանակ» թաղամասի բնակիչները տասնամյակներ շարունակ սպասել են իրենց հողերի սեփականության իրավունքի հարցի լուծմանը։ Երևանի քաղաքապետարանը գործընթացը գործնական փուլ է տեղափոխել, և 2022 թվականից սկսած՝ հողի սեփականության ակտերի հիման վրա արդեն 96 որոշում է կայացվել։ Այս մասին գրառում է կատարել Երևանի քաղաքապետի մամուլի քարտուղար Հայկ Կոստանյանը։

«Այսօր թաղամասի բնակիչները փակել են ճանապարհը՝ բարձրաձայնելով իրենց մտահոգությունները։ Խնդրի քննարկման նպատակով դեռևս հունվարին Երևանի քաղաքապետը հանդիպել է բնակիչների հետ, նախորդ շաբաթ նրանց ընդունել է քաղաքապետի առաջին տեղակալ Արմեն Փամբուխչյանը, ով նաև այս չորեքշաբթի կրկին կընդունի նրանց։

Քաղաքային իշխանությունները պատրաստ են իրենց լիազորությունների շրջանակում շարունակել աշխատանքները՝ հարցի հնարավոր լավագույն լուծումը գտնելու համար»,-նշել է նա։

]]> «Դատարաններում ունենք 270 հազար գործ, սա նշանակում է՝ 270 հազար քաղաքացի առնչվում է իրավաբանական խնդիրների հետ»․ Բաբայան https://iravaban.net/510467.html Mon, 10 Feb 2025 11:32:52 +0000 https://iravaban.net/?p=510467 Read more »]]> Փաստաբաններն այսօր՝ փետրվարի 10-ին հրաժարվել են ՀՀ պետական մարմիններում (այդ թվում՝ դատարաններում, նախաքննության մարմիններում) պաշտպանություն կամ ներկայացուցչություն իրականացնելուց։ Բողոքի գործողության պատճառը դարձյալ հարկային փոփոխություններն են, որոնց հետևանքով տուժելու են իրավաբանական օգնության դիմած քաղաքացիները։ Նրանք ստիված կլինեն ավելի շատ վճարել փաստաբանների ծառայության համար։

Հարցին, թե հաջորդ քայլը որն է լինելու, Փաստաբանների պալատի նախագահ Սիմոն Բաբայանն ասաց՝ հաջորդ քայլը կախված է լինելու գործադիր իշխանությունից, կա կոնկրետ իրավաբանական գործընթաց, ներկայացվել է հանրագիր՝ կոնկրետ իրավաբանական պահանջով։ Գործողությունները կլինեն ավելի խիստ՝ կախված Կառավարության կողմից այդ հանրագրին ներկայացվող վերաբերմունքից։

«Այս խնդիրը ՀՀ քաղաքացուն է վերաբերում, մենք խոսում ենք իրավաբանական օգնության թանկացման մասին, անկախ նրանից՝ ով ինչ կարծիքի կլինի, ակնհայտ է՝ ՀՀ-ում իրավաբանական օգնության կարիք ունեցող քաղաքացիները շատ են։

Մենք դատարաններում ունենք 270 հազար գործ, սա նշանակում է՝ 270 հազար քաղաքացի առնչվում է իրավաբանական խնդիրների հետ, ինչը իրականացվում է ծառայություններով»,-ասաց նա։

Փաստաբան Արա Զոհրաբյանը հավելեց՝ փաստաբանական համայնքը հասարակությունից կտրված համայնք չէ, խոշոր գրասենյակներ կան, որոնք միացել են ակցիային, և կան մարդիկ, որոնք հակառակ կարծիք ունեն, բայց մեծամասնությունը կիսում է այս գաղափարն ու,  փորձում է պայքարել։

Մանրամասները՝ տեսանյութում։

 

]]> Հյուրանոցային ծառայություն մատուցող անձանց այլ կրոնի ներկայացուցիչների համար առանձին աղոթատեղի ունենալու մասին պահանջ չի ներկայացվել․ Զբոսաշրջության կոմիտե https://iravaban.net/510474.html Mon, 10 Feb 2025 11:28:30 +0000 https://iravaban.net/?p=510474 Read more »]]> ՀՀ ԷՆ զբոսաշրջության կոմիտեն հայտնում է, որ Կոմիտեի նախագահին մամուլի կողմից վերագրվող հայտարարություններն այն մասին, թե հյուրանոցային ծառայություն մատուցող անձանց այլ կրոնի ներկայացուցիչների համար առանձին աղոթատեղի ունենալու մասին պահանջ է ներկայացվել, չեն համապատասխանում իրականությանը։

«Ներկայացնենք եղելությունը՝ ս․թ․ փետրվարի 5-ին ՀՀ էկոնոմիկայի նախարարությունում հյուրանոցային ծառայություն մատուցող անձանց հետ կայացած հանդիպման ընթացքում տնտեսվարողներին է ներկայացվել 2025թ․-ի թիրախային երկրների ցանկը, որտեղից ակնկալվում է առավելագույն թվով զբոսաշրջիկների այց Հայաստանի Հանրապետություն։

Զբոսաշրջության կոմիտեի նախագահը, ընդգծելով Հայաստանի՝ որպես բարենպաստ և գրավիչ զբոսաշրջային երկրի նկարագրի ամրապնդման անհրաժեշտությունը թիրախային համարվող երկրներում, տեղեկացրել է՝ այն հյուրանոցային ծառայություն մատուցող անձինք, որոնք ցանկանում են իրենց կողմից շահագործվող օբյեկտներում ապահովել Պարսից ծոցի համագործակցության խորհրդի անդամ և այլ արաբական երկրներից զբոսաշրջային այցելությունների աճ, հնարավորություն ունենալու դեպքում կարող են ապահովել զբոսաշրջիկներին նրանց սննդին ներկայացվող առանձնահատկություններին կամ կրոնական պահանջներին համապատասխան առաջարկներ։

Այս համատեքսում հյուրանոցային տնտեսություններին պահանջ չի ներկայացվել հյուրանոցային տնտեսության օբյեկտներում աղոթատեղեր ունենալու վերաբերյալ։ Տեղեկացնում ենք նաև, որ հյուրանոցային ծառայություն մատուցող անձանց գործունեությունը չի լիցենզավորվում, ուստի, հնարավոր չէ վերջիններիս զրկել լիցենզիայից։ «Զբոսաշրջության մասին» օրենքը նախատեսում է միայն հյուրանոցային ծառայություն մատուցող անձանց գործունեությունը դարձնել ծանուցման ենթակա»,-ասված է հայտարարության մեջ։

]]> «Այն, որ կոմբինատի վրա ցանկացած ճնշման պատճառ հենց կոմբինատի մեծ նշանակությունն է, հասկանալի է բոլորին»․ ԶՊՄԿ գլխավոր տնօրեն https://iravaban.net/510468.html Mon, 10 Feb 2025 11:26:52 +0000 https://iravaban.net/?p=510468 Read more »]]> Զանգեզուրի մղնձամոլիբդենային կոմբինատը կանգնած է։ Հայաստանի երևի ամենախոշոր ձեռնարկությունը, որով բոլորս հպարտանում ենք, ձեռնարկություն, որը թիվ մեկ հարկատուն է, բյուջեաստեղծ ձեռնարկություն, որից կախված է համայնքի կյանքը, և որից կախված է 4600 հոգանոց կոլեկտիվը։ Այս մասին նշել է «ԶՊՄԿ» ՓԲԸ գլխավոր տնօրեն Ռոման Խուդոլին Սյունիք հեռուստաընկերությանը տված հարցազրույցում։

«Կանգնեցվել է մի խումբ անձանց կողմից, որոնց բերած փաստարկները եկեք դիտարկենք։ Այն, որ կոմբինատի վրա ցանկացած ճնշման պատճառ հենց կոմբինատի մեծ նշանակությունն է, հասկանալի է բոլորին։ Միանգամայն հասկանալի է, որ տարբեր ուժեր ցանկանում են օգտագործել իրավիճակն իրենց շահերի համար։ Դրանք ուժեր են, որոնք ուզում են վերահսկողություն ունենալ կոմբինատի վրա։

Այս 3 տարվա ընթացքում ղեկավարությունն ու կոլեկտիվը հսկայական աշխատանք են տարել․ աշխատանք արտադրության արդիականացման, նոր տեխնիկայի ձեռքբերման ուղղությամբ»,-հավելել է Խուդոլին։

Մանրամասները՝ տեսանյութում։

]]> «Ստացվում է՝ ամեն ինչ անում են, որպեսզի մարդը հրաժարվի իր իրավունքները պաշտպանելուց». Արա Զոհրաբյան https://iravaban.net/510463.html Mon, 10 Feb 2025 11:09:44 +0000 https://iravaban.net/?p=510463 Read more »]]> Փաստաբաններն այսօր հրաժարվել են ՀՀ պետական մարմիններում (այդ թվում՝ դատարաններում, նախաքննության մարմիններում) պաշտպանություն կամ ներկայացուցչություն իրականացնելուց։ Բողոքի գործողության պատճառը դարձյալ հարկային փոփոխություններն են, որոնց հետևանքով տուժելու են իրավաբանական օգնության դիմած քաղաքացիները։ Նրանք ստիպված կլինեն ավելի շատ վճարել փաստաբանների ծառայության համար։ Հարկային փոփոխություների հետևանքների մասին խոսելով՝ փաստաբան Արա Զոհրաբյանը ասաց, որ այս ամենով պայմանավորված փաստաբաններն այլևս հրաժարվելու են անվճար իրավաբանական օգնություն տրամադրելուց, ինչը հանգեցնելու է հավելյալ խնդիրների։

«Ի՞նչ է ստացվում․ պետական տուրքի գումարը բարձրացվեց, անվճար օգնությունը փակվեց, նոտարական ծառայությունները, որոնք իրավունքների պաշտպանության ձև են, թանկացվեց, ստացվում է՝ ամեն ինչ անում են, որպեսզի մարդը հրաժարվի իր իրավունքները պաշտպանվելուց։ Մենք ուղղակիորեն ունենալու ենք անպաշտպան քաղաքացիներ»,-ասաց Զոհրաբյանը։

Մանրամասները՝ տեսանյութում։

 

]]> Կենդանիների նկատմամբ դաժան վերաբերմունք դրսևորած տղամարդիկ ներկայացվել են նախաքննական մարմին https://iravaban.net/510464.html Mon, 10 Feb 2025 11:08:01 +0000 https://iravaban.net/?p=510464 Read more »]]>
Փետրվարի 9-ին ահազանգով Էջմիածին քաղաքի Միչուրինի փողոցի հասցեներից մեկը մեկնած Համայնքային ոստիկանության Վաղարշապատի բաժնի ծառայողները պարզել են, որ ժամը 19.10-ի սահմաններում Պետրոզավոդսկի փողոցի 61-ամյա բնակիչը 35-ամյա որդու հետ կացնով սպանել են 65-ամյա համաքաղաքացու կողմից խնամվող երկու շներին, ապա տեղափոխել «Հուշարձաններ» կոչվող տարածք ու թաքցրել, հաղորդում են ոստիկանությունից։

65-ամյա կնոջից ընդունվել է հաղորդում:

Հայր և որդի կազմված փաստաթղթերի հետ ներկայացվել են Վաղարշապատի քննչական բաժին:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

]]> «Սա խնդրահարույց է առհասարակ իրավաբանական օգնության ընդհանուր թանկացման ֆոնի վրա»․ փաստաբանական համայնքն այսօր գործադուլ է անում https://iravaban.net/510456.html Mon, 10 Feb 2025 10:56:47 +0000 https://iravaban.net/?p=510456 Read more »]]> Այսօր՝ փետրվարի 10-ին, փաստաբանները բողոքի ակցիա են իրականացնում՝ հրաժարվելով ՀՀ պետական մարմիններում (այդ թվում՝ դատարաններում, նախաքննության մարմիններում) պաշտպանություն կամ ներկայացուցչություն իրականացնելուց՝ պահանջելով ՀՀ կառավարությունից օրենսդրական նախաձեռնությամբ հանդես գալ և «Հայաստանի Հանրապետության հարկային օրենսգրքում լրացումներ կատարելու մասին» օրենքի նախագիծը Ազգային ժողով ուղարկելու միջոցով՝ փաստաբանական գործունեություն համարվող ծառայությունների մատուցումը, անվճար (անհատույց) և կամավոր անհատույց իրավաբանական օգնության տրամադրումը ազատել ավելացված արժեքի հարկից:

ՀՀ փաստաբանների պալատի նախագահ Սիմոն Բաբայանը լրագրողների հետ զրույցում հայտարարեց՝ այս իրավիճակը չափազանց խնդրահարույց է․ «Սա խնդրահարույց է առհասարակ իրավաբանական օգնության ընդհանուր թանկացման ֆոնի վրա, մենք վերջերս ունեցան «Պետական տուրքի մասին» օրենքի փոփոխություն, որտեղ դատարան դիմելու պետական տուրքը ավելացավ, խնդիր նաև առաջացավ նոտարական ծառայությունների մասով, այսօր քննարկվում է նաև դրա թանկացման հարցը, և, ի վերջո, փաստաբանական ծառայությունը, որին առչնվում է 100 հազարավոր քաղաքացի»։

Մանրամասները՝ տեսանյութում։

]]> Տղամարդը վիճաբանել է կնոջ հետ, սպառնացել, որ նռնակով կպայթեցնի նրան․ երբ փորձել է թույլ չտալ, որ կինն իջնի մեքենայից, նռնակն ընկել է ձեռքից, պայթել https://iravaban.net/510458.html Mon, 10 Feb 2025 10:41:11 +0000 https://iravaban.net/?p=510458 Read more »]]> Փետրվարի 9-ին, ժամը 23.20-ի սահմաններում, ՆԳՆ ոստիկանության Գեղարքունիքի մարզի օպերատիվ կառավարման կենտրոն հաղորդում է ստացվել, որ Սևան քաղաքի Նաիրյան փողոցում մեքենա է պայթել, իսկ մեքենայում մարդ կա, հայտնում են ոստիկանությունից։

Ժամը 23.32-ին հաղորդում է ստացվել «Սևան» բժշկական կենտրոնից. շտապօգնության խումբը բեկորային վնասվածքներով բուժօգնության է տեղափոխել Սևան քաղաքի բնակիչ 28-ամյա երիտասարդի։

Դեպքի վայր օպերատիվ-քննչական խումբ է մեկնել:

Ձեռնարկված միջոցառումներով պարզվել է, որ 28-ամյա երիտասարդը «ՎԱԶ-21124» մեքենայի մեջ անձնական հարցերի շուրջ վիճաբանել է իր հետ փաստացի ամուսնական հարաբերությունների մեջ գտնվող 45-ամյա կնոջ հետ և սպառնացել, որ մոտը գտնվող նռնակով կպայթեցնի նրան: Իսկ երբ փորձել է թույլ չտալ, որ կինն իջնի մեքենայից, նռնակն ընկել է ձեռքից: Այդ ընթացքում կնոջը հաջողվել է դուրս նետվել մեքենայից, իսկ նռնակը պայթել է, ինչի հետևանքով 28-ամյա երիտասարդը ստացել է մարմնական վնասվածքներ:
Կազմված փաստաթղթերն ուղարկվել են Սևանի քննչական բաժին:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

]]> Ի՞նչ պետք է իմանալ կրթության գծով սոցիալական ծախսերի փոխհատուցման մասին https://iravaban.net/510454.html Mon, 10 Feb 2025 10:33:32 +0000 https://iravaban.net/?p=510454 Read more »]]> ՀՀ կառավարության 2023 թվականի հունիսի 29-ի N 1067-Ն որոշմամբ սահմանվել է սոցիալական ծախսերի տեսակների առանձին ուղղությունները, ընտանիքի անդամների շրջանակը և սոցիալական ծախսերի փոխհատուցման առավելագույն չափերը։

Կրթության գծով սոցիալական ծախսի համար փոխհատուցման տարեկան չափը կազմում է առավելագույնը 100.000 դրամ:

Կարևոր է իմանալ`

  • Տվյալ հաշվետու տարվա համար հայտարարագիր ներկայացնելու պարտավորություն կրող ֆիզիկական անձի` սոցիալական ծախսերի փոխհատուցման իրավունքը ծագում է, եթե ֆիզիկական անձը հաշվետու հարկային տարվա համար դրան հաջորդող հարկային տարվա ընթացքում հարկային մարմին է ներկայացրել եկամտային հարկի տարեկան հաշվարկ:
  • Փոխհատուցումը կատարվում է սոցիալական ծախս կատարած ֆիզիկական անձի 2024 թվականի եկամտային հարկի մնացորդից:
  • Սոցիալական ծախսի փոխհատուցման համար կարող են դիմել նաև կրթական ծառայությունը ստացած ֆիզիկական անձի ընտանիքի անդամները՝ ամուսինը, ծնողները և զավակները (որդեգրողներն ու որդեգրվածները):
  • Եթե ուսման վարձը վճարվել է հայտարարագիր ներկայացնելու պարտավորություն ունեցող ընտանիքի տարբեր անդամների կողմից, ապա փոխհատուցումը կատարվում է ուսման վարձը վճարած ընտանիքի անդամներից յուրաքանչյուրին՝ վճարված ուսման վարձի չափով, բայց ոչ ավել, քան 100,000 ՀՀ դրամը:

Քայլերի հաջորդականությունը․

Քայլ 1. Ուսումնական հաստատությունը դուրս է գրում հաշվարկային փաստաթուղթ, որտեղ բացի ծառայություն ստացող ֆիզիկական անձի կամ իր ընտանիքի անդամի տվյալներից պետք է արտացոլված լինեն նաև սոցիալական ծախսը կատարած ֆիզիկական անձի անձնական տվյալները:

Քայլ 2. Սոցիալական ծախս կատարած ֆիզիկական անձը եկամտային հարկի տարեկան հաշվարկը ներկայացնելու համար պետք է ունենա էլեկտրոնային ստորագրություն: Էլեկտրոնային ստորագրության բացակայության դեպքում հեռախոսային կապի օպերատորների միջոցով պետք է ձեռք բերի էլեկտրոնային ստորագրությունը:

Քայլ 3. Էլեկտրոնային ստորագրության ակտիվացումից հետո self-portal.taxservice.am հարթակի միջոցով մուտք է գործում իր անձնական էջ:

Քայլ 4. Եկամտային հարկի տարեկան հաշվարկը ներկայացնելու համար ԱՆՁՆԱԿԱՆ ԷՋ դաշտում ՍՏԱՆԱԼ ՀՎՀՀ հրահանգով ստանում է այն:

Քայլ 5. Ուսումնական հաստատության կողմից հաշվարկային փաստաթղթի ստացումը ստուգելու նպատակով ՍՈՑԻԱԼԱԿԱՆ ԾԱԽՍԵՐ դաշտում դիտում է հաշվարկային փաստաթուղթը:

Քայլ 6. ՀԱՅՏԱՐԱՐԱԳՐԵՐ բաժնում ներկայացնում է եկամտային հարկի տարեկան հաշվարկը:

Քայլ 7. Հարթակով ԴԻՄՈՒՄ դաշտում ներկայացնում է մինչև 100,000 ՀՀ դրամի փոխհատուցման պահանջը:

]]>