Այս պահին Երևան քաղաքի Կենտրոն և Նորք- Մարաշ վարչական շրջանների ընդհանուր իրավասության դատարանը քննում է Վերնիսաժի մոտ մայիսի 17-ին տեղի ունեցած միջադեպի մասնակից Ներսես Մելքոնյանի նկատմամբ խափանման միջոց կալանքն ընտրելու քննիչի միջնորդությունը:
Իրավաբան.net-ին Ներսես Մելքոնյանի պաշտպան Վարդուհի Էլբակյանը հայտնեց, որ ժամը 15:00-ին ավարտվում է ձերբակալման համար օրենքով նախատեսված 72 ժամը:
Նրան մեղադրանք է առաջադրվել Քրեական օրենսգրքի 258-րդ հոդվածի 3-րդ մասի 1-ին կետի հատկանիշներով (մի խումբ անձանց կողմից խուլիգանություն կատարելը):
Հիշեցնենք, որ մայիսի 17-ին Վերնիսաժի մոտ հնչել էին կրակոցներ, որոնցից տուժել էր 5 քաղաքացի: Ավելի վաղ այդ գործով կալանավորվել է ԱԺ պատգամավոր Կարո Կարապետյանի փեսան` Գոռ Առաքելյանը:
