ՌԴ նախագահ Վլադիմիր Պուտինի հետ Սոչիում այսօր՝ հոկտեմբերի 31-ին, կայացած հանդիպմանը ՀՀ վարչապետ Նիկոլ Փաշինյանը բարձրաձայնել է, որ ադրբեջանական զորքերի դուրսբերումը Ղարաբաղում ռուս խաղաղապահների պատասխանատվության գոտուց կարևոր է Հայաստանի համար։ Այս մասին գրում է РИА Новости-ն։
«Մեզ համար շատ կարևոր է ԼՂ-ում ռուս խաղաղապահների պատասխանատվության գոտուց ադրբեջանական զորքերի դուսրբերման հարցը, ուր նրանք ներխուժել են այս տարվա մարտին: Չնայած բարձր մակարդակի պայմանավորվածություններին՝ ադրբեջանական զորքերը դեռևս դուրս չեն եկել ԼՂ-ում ռուս խաղաղապահների պատասխանատվության գոտուց: Ակնկալում եմ այս հարցի կարգավորում՝ այսօրվա քննարկումների ընթացքում»,- նշել է ՀՀ վարչապետը:
Tass-ը գրում է, որ Նիկոլ Փաշինյանն անդրադարձել է նաև Հայաստան-Ադրբեջան սահմանազատման գործընթացին:
ՀՀ վարչապետն հայտարարել է, որ չնայած դրան՝ այս տարվա սեպտեմբերի 13-ին Ադրբեջանը Հայաստանի դեմ սանձազերծել է նոր ագրեսիա և օկուպացրել նոր տարածքներ: «Մեզ համար բավական կարևոր է այս հարցում Ռուսաստանի Դաշնության հստակ դիրքորոշումը՝ ադրբեջանական զորքերը մինչև 2021 թվականի մայիսի 11-ն ընկած դիրքեր հետ քաշելու անհրաժեշտության մասին»,- եզրափակել է Նիկոլ Փաշինյանը:
