Ազգային ժողովի խորհուրդը այսօր՝ հուլիսի 22-ին, նիստ էր հրավիրել, այն չի կայացել, քանի որ քվորում չի եղել: Եթե երկու ժամվա ընթացքում քվորում ապահովվի, ապա նիստը կկայանա:
Մինչև ժամը 12:30-ը քվորում չի ապահովվել., հետևաբար ԱԺ խորհրդի արտահերթ նիստը համարվել է չկայացած:
Հիշեցնենք, որ ԱԺ խորհրդի նիստի օրակարգում Ազգային ժողովի ընդդիմադիր 32 պատգամավորների լիազորությունները դադարեցնելու հարցով Սահմանադրական դատարան դիմելու մասին հարցն է:
Նշենք, որ մեկ շաբաթ առաջ ԱԺ խորհուրդը նիստ գումարեց, սակայն ՍԴ չդիմեցին, քանի որ ընդդիմադիր պատգամավորները ներկա չէին:
Նշենք, որ ընդդիմադիրներից 4 պատգամավորի անունը ցանկում չկա: Նրանք են՝ Թագուհի Թովմասյանը, Իշխան Զաքարյանը, Արթուր Վանեցյանի փոխարեն ԱԺ պատգամավոր դարձած Մարտուն Գրիգորյանը և «Հայաստան» խմբակցությունից Արթուր Ղազինյանի փոխարեն ԱԺ պատգամավոր դարձած Արգիշտի Գևորգյանը
