Օսմանյան մեծանուն հայ ճարտարապետ Սարգիս Պալյանի նախագծմամբ կառուցված Այնթափի Սուրբ Աստվածածին եկեղեցին ժամանակին կայսրության ամենամեծ եկեղեցիներից մեկն է եղել։
Այս մասին տեղեկանում ենք Ermenihaber.am-ից։
1892թ. կառուցված եկեղեցին մինչ 1915թ. ծառայել է Այնթափի հոծ հայ բնակչությանը: Հայոց ցեղասպանությունից և Թուրքիայի Հանրապետության հիմնադրումից հետո եկեղեցին հանձնվել է երկրի արդարադատության նախարարության վերահսկողությանը։
1930-1980-ականներին եկեղեցին մոտ 50 տարի օգտագործվել է որպես բանտ։ Այդ տարիներին եկեղեցու պատուհաններին ճաղավանդակներ են ամրացվել։
1980-1985թթ. երբեմնի Սուրբ Աստվածածինը վերածվել է մզկիթի։ Եկեղեցուն տրվել է «Քուրթուլուշ» (Փրկություն) մզկիթ անվանումը, հարևանությամբ կառուցվել է մինարե, իսկ ներսում՝ միհրաբ։
Մինարե – աշտարակ, որտեղից հնչեցվում է մուսուլմանների աղոթականչը։
Միհրաբ – աղոթքի համար առանձնացված որմնախորշ։
Մզկիթի վերածված հայկական եկեղեցու ներկայիս տեսքը ներկայացնում ենք լուսանկարներով ։
![](https://iravaban.net/wp-content/uploads/2022/07/resized_340ae-c97d5eeedsc_0214-300x199.jpg)
![](https://iravaban.net/wp-content/uploads/2022/07/resized_a3c72-badbd84bdsc_0128-300x200.jpg)
![](https://iravaban.net/wp-content/uploads/2022/07/resized_4d757-5263d305dsc_0218-300x209.jpg)